ប៉ូលិសចរាចរណ៍នៅភាគនិរតីប្រទេសចិន ទើបតែអនុញ្ញាតឲ្យអ្នកចូលរួមចរាចរណ៍ ដែលមានកំហុសតិចតួច អាចពុំតម្រូវឲ្យបង់ប្រាក់ពិន័យ ប្រសិនបើពួកគេបង្ហាញអត្តសញ្ញាណលើបណ្តាញសង្គម រួចសារភាពពីកំហុសបំពានច្បាប់ចរាចរណ៍របស់ខ្លួន តែចាំបាច់ត្រូវទទួលបានការ “Like” ពី ២០ឡើងទៅ ។
តាម BeiJing News មកទល់ពេលនេះ មានមនុស្សជាង ១០នាក់ហើយបានជ្រើសយករូបភាពពិន័យ “ច្នៃប្រឌិត”នេះ ។ គេដឹងថា វិធីសាស្ត្រនេះជាគំនិតច្នៃប្រឌិតកំពុងសាកល្បងរបស់ប៉ូលិសនៅ Dzhou ខេត្ត Sichuan ។
វិធីនេះអនុវត្តចំពោះអ្នកបំពានកំហុសតូចតាចប៉ុណ្ណោះ ។
ប៉ូលិសក៏នឹងថតទុករូបភាពអេក្រង់របស់អ្នក “សារភាព”លើបណ្តាញសង្គម Weibo ។ អ្នកសារភាពម្នាក់សរសេរថា ៖ “ខ្ញុំត្រូវបានប៉ូលិសឃាត់ព្រោះបញ្ជាយានយន្តខុសខ្សែបន្ទាត់ (line) នៅផ្លូវបំបែកមួយ ខ្ញុំដឹងថាខ្ញុំខុស ក្រោយពេលប៉ូលិសពន្យល់ ។ ខ្ញុំចង់រំលឹកដល់អ្នកទាំងអស់ថា ចូរដកពិសោធន៍ពីមេរៀនរបស់ខ្ញុំ” ។
តាមប៉ូលិសនៅ Dzhou រូបភាពពិន័យថ្មីនេះ អនុវត្តចំពោះតែអ្នកប្រព្រឹត្តកំហុសតូចតាចរបស់អ្នកថ្មើរជើង ជិះកង់ ឬម៉ូតូប៉ុណ្ណោះ ។
ពេលនេះគំរោងខាងលើ កំពុងត្រូវបានអនុវត្តនៅខ័ណ្ឌ Tong Chuan ហើយកំពុងត្រូវបានថ្លឹងថ្លែង គួរអនុវត្តនៅទីក្រុង Dzhou ទាំងមូលដែរឬទេ ។
គិតទៅម្យ៉ាងដែរ ខ្មែរយើងគួររៀនសូត្រតាម!?
