ភ្នំពេញ ៖ នៅព្រឹកទី២៥ខែមេសាឆ្នាំ២០១៨ នៅសាលាឧទ្ធរណ៍ មហាអយ្យការ បើកសវនាការ លើកយកសំណុំ រឿងអតីតសកម្មជនគណបក្សសង្គ្រោះជាតិទាំង១១នាក់ មកបើកសវនាកាចំនួន៣ថ្ងៃ ចាប់ពីថ្ងៃទី២៣ ដល់២៥ ខែមេសា ឆ្នាំ២០១៨ ដែលត្រូវបានតុលាការក្រុងភ្នំពេញ ផ្តន្ទាទោសដាក់ពន្ធធានាគារ ពី៧ឆ្នាំ ទៅ២០ឆ្នាំ ពីបទចូលរួមដឹកនាំធ្វើកុប្បកម្ម ដែលប្រព្រឹត្តិទៅ នៅទីលានប្រជាធិបតេយ្យ កាលពីថ្ងៃទី១៥ខែកក្កដាឆ្នាំ២០១៤ ។
ជនជាប់ចោទ ឈ្មោះ មាជ សុវណ្ណារ៉ា, អឿ ណារិត, ឃិន រឿន, នាង សុឃុន, សាន គឹមហេង, ស៊ុំ ពុទ្ធី, កែ ឃីម, ទេព ណារិន, អាន បឋម, សាន សីហ:, អ៊ុក ពេជ្រសំណាង ពីបទ ដឹកនាំកុបកម្ម និងអំពើចូលរួមក្នុងចលនាកុបកម្ម ដែលមានដើមបណ្ដឹងចំនួន ៤១នាក់ ជាមន្ត្រីសន្តិសុខខណ្ឌដូនពេញ។
តុលាការសាលាឧទ្ទរណ៍ មហាអយ្យការ បានសួនាំជនជាប់ចោទទាំង១១នាក់សាជាថ្មី និងបញ្ចាំងព្រឹត្តិការណ៍ដែលកើតឡើង នៅស្ពាននាគ សង្កាត់វត្តភ្នំ ខណ្ឌដូនពេញ កាលពីថ្ងៃទី១៥ កក្កដា ឆ្នាំ២០១៤ ឲ្យសាមីជនមើលសាជាថ្មី តុលាកាសាលាឧទ្ទរណ៍ សម្រេចលើកពេលប្រកាសសាលដីកា ទៅថ្ងៃទី១០ ខែឧសភា ឆ្នាំ២០១៨ ។ ជនជាប់ចោទបន្តឃុំខ្លួននៅមណ្ឌលកែប្រែព្រៃសដដែល ហើយនៅម៉ោង១២ថ្ងៃត្រង់នេះ តុលាកាសាលាឧទ្ទរណ៍បានបញ្ចប់សវនាការ ហើយនាំជនជាប់ចោទទាំង១១នាក់ ទៅពន្ធនាគាព្រៃសវិញនៅម៉ោង១២៖៣០នាទី៕ ដោយ ៖ បញ្ញាស័ក្តិ
