បន្ទប់ប្រជុំកំពូលរវាងកូរ៉េទាំងពីរ ត្រូវបានរៀបចំឡើងតាមប្រធានបទ “ស្វាគមន៍ ថ្លឹងថ្លែង សន្តិភាព និងក្តីសង្ឃឹម” ។
បន្ទប់ប្រជុំនៃជំនួបកំពូលអន្តរកូរ៉េ ទើបត្រូវបានប្រកាសផ្សាយជាផ្លូវការនៅថ្ងៃនេះ (២៥ ខែមេសា) ពោលគឺ ២ថ្ងៃ មុនពេលដែលប្រធានាធិបតី Moon Jae-in ជួបជាមួយមេដឹកនាំកូរ៉េខាងជើង គីម ជុងអ៊ុន។ ជំនួបកំពូលនេះ នឹងប្រព្រឹត្តទៅនៅតំបន់គ្មានយោធាអន្តរកូរ៉េ (DMZ) នាថ្ងៃទី ២៧ ខែមេសា ។ បញ្ហាលេចធ្លោ និងពុះកញ្ជ្រោលបំផុតក្នុងជំនួបនេះ គឺកម្មវិធីអភិវឌ្ឍន៍អាវុធនុយក្លេអ៊ែររបស់កូរ៉េខាងជើង ៕ សូយន
