ប្រទេសចិននៅតែបន្តធ្វើជំនួញជាមួយនឹងកូរ៉េខាងជើង ដោយបាននាំចូលធ្យុងថ្មចំនួន ៥០៩.០០០តោនពីកូរ៉េខាងជើងកាលពីខែមុន ទោះបីជាខ្លួនធ្លាប់ប្រកាស់ពីការអនុវត្តទណ្ឌកម្មរបស់ ក្រុមប្រឹក្សាអង្គ ការសហប្រជាជាតិ ប្រឆាំងនឹងរបបព្យុងយ៉ាងក៍ដោយ។ការបន្តនាំចូលធ្យូងថ្មពីកូរ៉េខាងជើងបានធ្វើឲ្យមានការមន្ទិលសង្ស័យពីការអនុវត្តទណ្ឌកម្មក្រុមប្រឹក្សាអង្គការសហប្រជាជាតិ របស់ចិនប្រឆាំងនឹងទីក្រុងព្យុងយ៉ាង។
បើតាមប្រព័ន្ធផ្សព្វផ្សាយអាមេរិច (VOA) ផ្នែកភាសារកូរ៉េ បានឲ្យដឹងថា ចិនបានទិញធ្យូងថ្ម តម្លៃ ៤៤លានដុល្លាពីកូរ៉េខាងជើង កាលពីខែកញ្ញាកន្លងទៅ ដែលទិន្នន័យនោះបានមកពីសមាគមន៍ជំនួញអន្តរជាតិកូរ៉េ។
កាលពីសីហា ក្រសួងពាណិជ្ជកម្មចិនធ្លាប់បានប្រកាសពីគំរោងហាមឃាត់ការនាំចេញធ្យូងថ្ម និងគ្រឿងសមុទ្រពីកូរ៉េខាងជើង ដើម្បីអនុវត្តសេចក្តីសម្រេចរបស់អង្គការសហប្រជាជាតិប្រឆាំងនឹងកូរ៉េខាងជើង។
លោក Anthony Ruggiero អ្នកជំនាញនៃមូលនិធីសំរាប់ការពារលទ្ធិប្រជាធិបតី បានថ្លែងប្រាប់ VOA ថាការបន្តនាំចូលរបស់ចិន ពីកូរ៉េខាងជើង បានធ្វើឲ្យមានការមន្ទិលសង្ស័យរបស់វិធានការរបស់ចិនក្នុងការដាក់ទណ្ឌកម្មកូរ៉េខាងជើង។
សូមរម្លឹកផងដែរថា ចិនគឺជាសម្ព័ន្ធមិត្ត និងដៃគូជំនួដ៍សំខាន់បំផុតរបស់កូរ៉េខាងជើង។ ជំនួញរបស់កូរ៉េខាងជើង ជាមួយនឹងចិនមានទំហំប្រមាណ ៩០ភាគរយនៃទំហំពាណិជ្ជកម្មជាមួយនឹងប្រទេសដ៍ទៃ៕ ដោយ ៖ សុភ័ក្ត្រ
