ហ្វេសបុកបានបដិសេធការអញ្ជើញឲ្យទៅធ្វើសវនាការក្នុងរដ្ឋសភាអាមេរិក នៅថ្ងៃទី ២៦ ខែមេសា (ម៉ោងតំបន់) ដើម្បីរាយការណ៍អំពីសកម្មភាពចម្រាញ់ព័ត៌មានរបស់បណ្តាក្រុមហ៊ុនផ្សព្វផ្សាយបណ្តាញសង្គម។
អ្នកនាំពាក្យហ្វេសបុក នៅថ្ងៃទី ២៥ ខែមេសា ឲ្យដឹងថា ហ្វេសបុក បានបដិសេធការអញ្ជើញឲ្យទៅធ្វើសវនាការក្នុងរដ្ឋសភាអាមេរិកនៅថ្ងៃទី ២៦ ខែមេសា ដែលនៅក្នុងសវនាការនេះ តាមគំរោងគឺតម្រូវឲ្យរាយការណ៍ពីសកម្មភាពទាំងឡាយក្នុងការចម្រាញ់ព័ត៌មានរបស់បណ្តាក្រុមហ៊ុនផ្សព្វផ្សាយបណ្តាញសង្គម។
ថ្វីត្បិតបដិសេធការអញ្ជើញទៅធ្វើសវនាការក្តី ប៉ុន្តែហ្វេសបុកអះអាងថា ចង់បន្តការសន្ទនាជាមួយនឹងបណ្តាសមាជិក នៃគណៈកម្មាធិការច្បាប់របស់រដ្ឋសភា ជុំវិញកិច្ចសន្យារបស់ហ្វេសបុកចង់ក្លាយខ្លួនទៅជាវេទិការមួយសម្រាប់យោបល់និងគោលគំនិតទាំងឡាយ ។
CEO របស់ហ្វេសបុក Facebook Mark Zuckerberg
ក្រុមហ៊ុន Alphabet Inc និង Twitter ក៏ត្រូវបានអញ្ជើញមកធ្វើសវនាការដូចគ្នានេះដែរ ប៉ុន្តែសុទ្ធសឹងពុំទាន់អះអាងថា គេនឹងចូលរួមដែរឬទេ។
មុននោះ CEO របស់ហ្វេសបុក Mark Zuckerberg បានចូលរួមសវនាការអូសបន្លាយរយៈពេល ៥ម៉ោង ក្នុងអង្គប្រជុំមួយរៀបចំឡើងដោយគណៈកម្មាធិការពារណិជ្ជកម្មនិងច្បាប់របស់អាមេរិក ។
សវនាការនេះត្រូវបានរៀបចំឡើងក្រោយពេលហ្វេសបុករងការចោទប្រកាន់ថា បានធ្វើឲ្យបែកធ្លាយព័ត៌មានរបស់អតិថិជន ៨៧លាននាក់ ក៏ដូចជារឿងអាស្រូវមួយចំនួនទៀតថ្មីៗនេះ របស់ហ្វេសបុក ៕
