ក្រុមអ្នកវិទ្យាសាស្ត្រចិន បានរកឃើញកំពូលភ្នំដែលរងទទួលការបន្ទុះនុយក្លេអ៊ែរចំនួន ៥លើក បានត្រូវបាក់ស្រុត ហើយថានេះជាចំណុចមួយដែលធ្វើឲ្យមេដឹកនាំ គីម ជុងអ៊ុន បានប្រកាសនិងផ្អាកសាកល្បងនុយក្លេអ៊ែរយ៉ាងប្រថុចញ៉ុច ។
ពលរដ្ឋកូរ៉េខាងត្បូងតាមដានព័ត៌មានពីការសាកល្បងនុយក្លេអ៊ែរមួយរបស់កូរ៉េខាងជើង។
អ្នកវិទ្យាសាស្ត្រចិន ២ក្រុម បានបញ្ជាក់ថា ភ្នំ Mantap នាតំបន់សាកល្បងនុយក្លេអ៊ែរ Ponggye-ri (ភាគឦសាន្តកូរ៉េខាងជើង) បានបាក់ស្រុត។
អ្នកភូកុម្ពសាស្ត្រនៃសកលវិទ្យាល័យវិទ្យាសាស្ត្រនិងបច្ចេកវិទ្យាចិន បានបូកសរុបថា Mantap ត្រូវបានបាក់ស្រុតក្រោយពេលដែលកូរ៉េខាងជើងសាកល្បងគ្រាប់បែកអ៊ីដ្រូសែន កាលពីខែកញ្ញា ឆ្នាំ២០១៧ នៅក្នុងល្អាងខាងក្នុងភ្នំ ។
នៅជាការសាកល្បងនុយក្លេអ៊ែរ លើកទី៦ និងការសាកល្បងគ្រាប់បែកអ៊ីដ្រូសែនលើកទី ២ ដែលមានកម្លាំងបំផ្លាញខ្លាំងជាងគ្រាប់បែកបរមាណូធម្មតាច្រើនដង។
ក្រុមអ្នកវិទ្យាសាស្ត្រនៅបានឲ្យដឹងបន្ថែមថា ការបូកសរុបខាងលើត្រូវបានធ្វើឡើងបន្ទាប់ពីពួកគេវិភាគទិន្នន័យបានមកពីស្ថានីយ៍ឃ្លាំមើលការរញ្ជួយដីចំនួន ២០០០ ។ ក្រុមស្រាវជ្រាវទាំងពីររបស់ចិននឹងប្រកាសផ្សាយរបាយការណ៍នេះជាសាធារណៈលើទស្សនាវដ្តីឯកទេសក្នុងខែឧសភាខាងមុខ៕ សូយន