កាលពីថ្ងៃទី ២៤ ខែមេសា (ម៉ោងនៅតំបន់) លោក Jon Huntsman ដែលជាឯកអគ្គរដ្ឋទូតអាមេរិកប្រចាំរុស្ស៊ីឲ្យដឹងថា ពិភពលោកនឹងមានសុវត្ថិភាពជាងមុន គ្រាដែលរុស្ស៊ីនិងអាមេរិកសហប្រតិបត្តិការជាមួយគ្នា ហើយប្រការនេះកាន់តែចាំបាច់ខ្លាំងឡើងគ្រាដែលបណ្តាក្រុម និងអង្គការភេរវកម្ម កំពុងគំរាមកំហែងខ្លាំងឡើងៗលើសន្តិសុខភិភពលោក ។
ឯកអគ្គរដ្ឋទូតអាមេរិក Jon Huntsman ប្រចាំរុស្ស៊ី
តាមលោកនោះ ទាំងរុស្ស៊ីនិងអាមេរិកសុទ្ធសឹងបានហែលឆ្លងកាត់នូវយុគ្គសម័យនៃទំនាក់ទំនងដ៏តានតឹង ក្នុងនោះរួមមានសង្គ្រាមត្រជាក់ដែលអូសបន្លាយរាប់ទសវត្សរ៍ ។ អាស្រ័យហេតុនេះឯងអាមេរិក និងរុស្ស៊ីចាំបាច់សហប្រតិបត្តិការជាមួយគ្នា ក្នុងគោលបំណងរួមគឺប្រឆាំងតបតនូវអសិ្ថរភាពសន្តិសុខពិភពលោក។
ក្រៅពីនោះលោក Huntsman ក៏នៅបានឲ្យដឹងបន្ថែមទៀតថា ៖ “ប្រធានាធិបតីអាមេរិក ដូណាល់ ត្រាំ បានសម្តែងជាច្រើនលើកច្រើនសារ អំពីបំណងប្រាថ្នាកែសម្រួលទំនាក់ទំនងជាមួយរុស្ស៊ី ។ យើងខ្ញុំអាចហៅសកម្មភាពនោះថា ជាការប៉ងប្រាថ្នាសម្រាប់កិច្ចសហប្រតិបត្តិការមួយ ដើម្បីទំនាក់ទំនងល្អបំផុតនូវអនាគតដ៏ខ្លីខាងមុខ ។ ខ្ញុំសង្ឃឹមថា ទាំងអាមេរិក និងរុស្ស៊ី ដែលបានឆ្លងកាត់នូវការធ្លាក់ចុះ ក៏ដូចជាកើនឡើងក្នុងចំណងទាក់ទង នៅឆ្នាំ ២០១៨នេះ គួរគប្បីសាងទំនាក់ទំនងមួយដែលសុក្រឹតបំផុត ហើយខ្ញុំជឿថា រឿងនេះនឹងកើតឡើង ៕ សូយន