ពេលឈរថតរូបរួមជាមួយប្តីប្រពន្ធប្រធានាធិបតី Macron នៅសេតវិមានលោកត្រាំ បានប្រឹងប្រែងកេសដៃអ្នកស្រី Melania ដើម្បីឲ្យគាត់កាន់ដៃគ្នា ប៉ុន្តែត្រូវរងបរាជ័យ ។
អំឡុងពេលកើតឡើង “ការចរចារវាងបាតដៃពីរ” អ្នកស្រី Melania តែងសំឡឹងត្រង់ទៅមុខយ៉ាងព្រងើយ។
នេះពុំមែនជាលើកដំបូងទេ ដែលជំទាវទី១អាមេរិក បដិសេធការកាន់ដៃជាមួយស្វាមី ។ ក្នុងដំណើរទស្សនកិច្ចអ៊ីស្រាអែល ខែ 5-2017 ពេលចុះពីលើយន្តហោះអ្នកស្រី Melania ហាក់ដូចជាបានកៀសដៃប្រធានាធិបតីត្រាំចេញ បន្ទាប់ពីលោកគិតកាន់ដៃអ្នកស្រី ។
នៅខែកុម្ភៈឆ្នាំនេះ លោកត្រាំ ចង់កាន់ដៃប្រពន្ធនៅពេលអ្នកទាំងពីរ ដើរស្របគ្នាសំដៅទៅយន្តហោះត្រឡប់ពី Ohio មកកាន់ Washinton DC វិញ។ ប៉ុន្តែអ្នកស្រី Melania បានយកដៃញាត់ចូលហោប៉ៅអាវក្រៅយ៉ាងព្រងើយ ។ ការ “ប៉ុនប៉ង” មិនបានសម្រេច ប្រធានាធិបតីអាមេរិក បានត្រឹមតែកាន់ជាយអាវក្រៅរបស់ប្រពន្ធប៉ុណ្ណោះ ។
អ្នកស្រី Melania កៀសដៃប្តីនៅចំពោះមុខឥស្សរជនយោបាយជាន់ខ្ពស់ជាច្រើននាក់ ៕
