ទីភ្នាក់ងារ Yonhap បានចុះផ្សាយព័ត៌មានថា ប្រមុខការទូតកូរ៉េខាងត្បូង Kang Kyung-wha នៅថ្ងៃទី ២៥ ខែមេសា បានវាយតម្លៃអំពីជំនួបកំពូលដែលនឹងប្រព្រឹត្តទៅនៅថ្ងៃទី ២៧ ខែមេសា គឺជាឱកាសដែលមេដឹកនាំកំពូលរបស់កូរ៉េទាំងពីរ អះអាងការសន្យារបស់កូរ៉េខាងចំពោះបញ្ហារំសាយនុយក្លេអ៊ែរ ។
អ្នកស្រីរដ្ឋមន្ត្រីរូបនេះ បានថ្លែងថា ៖ កិច្ចចរចាកំពូលរវាងកូរ៉េខាងត្បូង និងកូរ៉េខាងជើង ត្រូវបានចាត់ទុកជាកន្លែងដែលមេដឹកនាំ និងពិភាក្សាត្រង់ទៅត្រង់មកអំពីបញ្ហារំសាយនុយក្លេអ៊ែរ និងការបញ្ជាក់អំពីបញ្ហានេះ ។ ទន្ទឹមនោះភាគីទាំងសងខាង ក៏អាចបង្កើតបាននូវការយល់ដឹងរួមមួយអំពីរបៀបស្ថាបនាគ្រឹះសន្តិភាពតាមរយៈនោះនឹងកសាងបានរបបសន្តិភាពយូរអង្វែងជំនួសឲ្យស្ថានភាពផ្អាកសង្គ្រាមដែលមិនមានស្ថិរភាពដូចបច្ចុប្បន្ននេះ ។
តាមអ្នកស្រី Kang នោះ របៀបវារៈសំខាន់នៃជំនួបកំពូលខាងមុខគឺ ៖ រំសាយអាវុធនុយក្លេអ៊ែរ កសាងសន្តិភាពនិងកែសម្រួលចំណងទាក់ទងអន្តរកូរ៉េ ។ អ្នកស្រីសង្កត់ធ្ងន់ថា ជំនួបកំពូលអន្តរកូរ៉េ គឺជាចំណុចចាប់ផ្តើម និងការចាក់គ្រឹះនៃដំណើរឆ្ពោះទៅកាន់ជំនួបកំពូលរវាងកូរ៉េខាងជើង-អាមេរិក ៕ សូយន
