តាម AFP Yonhap នៅថ្ងៃ ២៧ ខែមេសា អ្នកនាំពាក្យរបស់វិមានប្រធានាធិបតីកូរ៉េខាងត្បូង Yoong Young-chen ឲ្យដឹងថា ប្រធានាធិបតីកូរ៉េខាងត្បូង Moon និងមេដឹកនាំកូរ៉េខាងជើង Kim បានពិភាក្សាអូសបន្លាយចំនួន ១០០នាទី ដោយបានលើកឡើងដោយបញ្ហារំសាយនុយក្លេអ៊ែរ សន្តិសុខយូរអង្វែងនៅឧបទ្វីបកូរ៉េ និងរបៀបកែសម្រួលទំនាក់ទំនងអន្តរកូរ៉េ ។
ប្រធានាធិបតីកូរ៉េខាងត្បូង Moon Jae-in (ស្តាំ) ទទួលស្វាគមន៍មេដកឹនាំកូរ៉េខាងជើង Kim Jong-un នៅបន្ទាត់បែងចែកព្រំដែនរវាងកូរ៉េទាំងពីរនៅភូមិផ្អាកសង្គ្រាម Panmunjom ។
លោក Yoon ឲ្យដឹងថា ភាគីទាំងសងខាងនឹងរួមគ្នាប្រកាសលទ្ធផល នៃជំនួបនេះ គ្រាដែលមន្ត្រីថ្នាក់អ្នកឯកទេសឈានដល់កិច្ចព្រមព្រៀងចុងក្រោយ ។
ថ្លែងទៅកាន់អ្នកសារព័ត៌មាន លោក Yoon និយាយថា ៖ “នៅក្នុងជំនួបនេះ មេដឹកនាំទាំងពីរមានការពិភាក្សាយ៉ាងម៉ឺងម៉ាត់ និងស្មោះត្រង់អំពីរបៀបរំសាយនុយក្លេអ៊ែរនៅឧបទ្វីបកូរ៉េ បង្កើតសន្តិភាពយូរអង្វែង និងអភិវឌ្ឍន៍ទំនាក់ទំនងរវាងកូរ៉េទាំងពីរ។
ប្រទេសទាំងពីរបានឯកភាពបន្តកិច្ចពិភាក្សានៅថ្នាក់អ្នកឯកទេស ។ ហើយនៅពេលដែលបណ្តាមន្ត្រីទាំងនេះ ទទួលបានការព្រមព្រៀងចុងក្រោយ នោះបណ្តាមេដឹកនាំទាំងពីរប្រទេសនឹងជួបគ្នាឡើងវិញដើម្បីចុះហត្ថលេខាលើកិច្ចព្រមព្រៀង ព្រមទាំងលើកឡើងនូវសេចក្តីថ្លែងការណ៍រួម។
លោក Yoon ឲ្យដឹងបន្ថែមថា ជំទាវរបស់លោកគីម អ្នកស្រី Ri Sol-Ju នឹងទៅកាន់ទីកន្លែងប្រព្រឹត្តទៅជំនួបកំពូលនេះវេលាម៉ោង ១៨និង១៨នាទី ម៉ោងនៅកូរ៉េ (ម៉ោងប្រមាណ ១៦និង១៥នាទីនៅកម្ពុជា) ដើម្បីចូលរួមពិធីជប់លៀងជាមួយប្រធានាធិបតីកូរ៉េខាងត្បូង និងភរិយា ក្រោយជំនួបកំពូលប្រវត្តិសាស្ត្រ ៕ សូយន
