AFP/Reuters ចុះផ្សាយព័ត៌មានថ្ងៃទី ២៧ ខែមេសា ឲ្យដឹងថា ប្រធានាធិបតីត្រាំ បានថ្លែងបញ្ជាក់ថា “មានតែ ២ ឬ ៣” គោលដៅដែលកំពុងត្រូវបានយកមកពិនិត្យថ្លឹងថ្លែងសម្រាប់រៀបចំជំនួបកំពូលខាងមុខរវាងលោក និងមេដឹកនាំកូរ៉េខាងជើងគីមជុងអ៊ុន ដែលចំនួនទីតាំងនេះត្រូវបានកាត់បន្ថយប្រៀបទៅនឹងការថ្លែងមួយថ្ងៃមុនថា មានទីតាំង ៥ ត្រូវបានយកមកធ្វើការធ្វើជ្រើសរើស ។
ប្រធានាធិបតីដូណាល់ ត្រាំ
ក្រៅពីនោះលោកត្រាំ ក៏បានសង្កត់ធ្ងន់ថា ប្រសិនបើសភាពការណ៍ជាក់ស្តែងមានការប្រែប្រួល ដោយកូរ៉េខាងជើងអាចនឹងមិនយល់ព្រមអំពីដំណោះស្រាយណាមួយ នោះលោកនឹងចាកចេញពីបន្ទប់ប្រជុំ ។
គួររំលឹកថា កាលពីថ្ងៃ ២៤ ខែមេសា ថ្លែងក្នុងពិធីទទួលបដិសណ្ឋារកិច្ចនាយករដ្ឋមន្ត្រីអាល្លឺម៉ង់ Angela Merkel នៅសេតវិមាន លោកត្រាំ បានប្រកាសថា កំពុងធ្វើការថ្លឹងថ្លែងលើទីតាំង ៣ ឬ ៤ និងអាច ៥ សម្រាប់រៀបចំជំនួបជាមួយលោកគីម ជុងអ៊ុន ៕ សូយន