ក្មេងៗនៅតាមជនបទស្រុកស្រែ តែងនាំគ្នាឡើងតោងលេង ជាពិសេស ពេញចិត្តខ្លាំងជាមួយទីកន្លែងដែលផ្តល់នូវការជិះយ៉ាងសប្បាយ ។ ប៉ុន្តែ ពុំមែនទីកន្លែងនោះ សុទ្ធតែសុវត្ថិភាពទាំងស្រុងនោះទេ វាក៏អាចបង្កឲ្យមានគ្រោះថ្នាក់ដល់ពួកគេដោយចៃដន្យផងដែរ ។
ជាក់ស្តែង វីដេអូថ្មីមួយដែលត្រូវបានចែករំលែកនៅលើបណ្តាញសង្គម កាលពីថ្ងៃទី២៧ ខែមេសា បានបង្ហាញឲ្យឃើញកូនក្មេងប្រុសស្រី២នាក់ នាំគ្នាឡើងជិះលើទ្វារដែករុញរបងផ្ទះ ប៉ុន្តែ ចៃដន្យ នៅពេលដែលពួកគេឡើងជិះរុញចុះរុញឡើង ស្រាប់តែវាបានដួលរំលំសង្កត់លើពួកគេទាំងកម្រោលគួរឲ្យស្លុតរន្ធត់បំផុត ។
ប៉ុន្តែ សំណាងហើយ ដែលឪពុកម្តាយ និងពូមីងរបស់ពួកគេ កំពុងជុំៗនៅទីនោះ កុំអីមិនថាពួកគេនឹងទៅជាយ៉ាងណាទេ ។
យោងតាមប្រភព័ត៌មានបានឲ្យដឹងថា ហេតុការណ៍នេះបានកើតឡើងកាលពីថ្ងៃទី២៥ ខែមេសា នៅក្នុងប្រទេសវៀតណាម ៕ ចន្ទី