កូនសិស្សយ៉ាងហោចណាស់ចំនួន ៧នាក់បានស្លាប់ និង ១២នាក់ផ្សេងទៀតរងរបួស ក្នុងការវាយប្រហារដោយកូនកាំបិត នៅសាលាអនុវិទ្យាល័យមួយកន្លែង ក្នុងខេត្ត Shaanxi province កាលពីថ្ងៃសុក្រម្សិលមិញនេះ។ នេះបើតាមការចេញផ្សាយរបស់ទីភ្នាក់ងារសារព៌តមានចិន Xinhua។
បន្ទាប់ពីមានការចាក់សម្លាប់សិស្សសាលា ជនសង្ស័យម្នាក់ ត្រូវបានប៉ូលីសចាប់ខ្លួន ខណៈដែលការស៊ើបអង្កេតកំពុងបន្ត។
សូមបញ្ជាក់ថា ការវាយប្រហារដោយកាំបិតនៅក្នុងប្រទេសចិនកើតមានឡើងជាញឹកញាប់ រហូតដល់រដ្ឋាភិបាលចិនតន្ត្រីឲ្យប្រជាពលរដ្ឋខ្លួន ចុះឈ្មោះជាមួយនឹងរដ្ឋ នៅពេលពួកគេទិញកាំបិទធំៗ។
កាលពីឆ្នាំមុន ក៏មានការវាយប្រហារដោយកាំបិតផងដែរ ដោយបុរសម្នាក់បានឡើងជញ្ជាំងសាលាមត្តេយ្យ និងបានវាយប្រហារលើសិស្សចំនួន ១១នាក់ ប៉ុន្តែពួកគេមិនមានរបួសធ្ងន់ធ្ងររហូតដល់ប៉ះពាល់ជីវិតនោះទេ។
ចំណែកនៅក្នុងឆ្នាំឍ ២០១៦ ក៏មានបុរសម្នាក់ដែរបានចាក់ក្មេងៗចំនួន ១០នាក់ មុនពេលចាក់សម្លាប់ខ្លួនឯង៕ សុភ័ក្ត្រ
