ក្រុងប៉ោយប៉ែត ៖ ករណីមិត្តភក្តិចាក់ប្លន់មិត្ត គឺបង្កដោយជនសង្ស័យមានគ្នា២នាក់ បានធ្វើសកម្មភាពចាក់នឹងកាំបិតចុងស្រួចត្រូវជនរងគ្រោះ ចំបំពង់ក បណ្តាលឲ្យរងរបួសធ្ងន់ធ្ងរ ហើយត្រូវបានបញ្ជូនសង្គ្រោះទៅកាន់មន្ទីរពេទ្យស្រុកមង្គលបុរី ។
អំពើប្លន់នៅថ្ងៃទី២៧ ខែមេសា ឆ្នាំ២០១៨ វេលាម៉ោង២៣ នៅត្រង់ចំណុចម្ដុំភ្នំ១០០ ខាងជើងដើមស្រល់ផ្កាយ៥ ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុង ប៉ោយប៉ែត ខេត្តបន្ទាយមានជ័យ ។
មន្ត្រីកងរាជអាវុធហត្ថក្រុងប៉ោយប៉ែតបានឲ្យដឹងថា ជនរងគ្រោះឈ្មោះ ឡាង សុចិន្តា ភេទប្រុស អាយុ ១៧ឆ្នាំ រស់នៅកន្លែងកើត ហេតុខាងលើ ត្រូវបានជនសង្ស័យជាមិត្តភក្តិនឹងគ្នា ធ្វើសកម្មភាពចាក់ប្លន់យក ម៉ូតូ និងទូរស័ព្ទ បានបណ្តាលឲ្យរងរបួសដាច់សរសៃបំពង់កធ្ងន់ធ្ងរ កំពុងសង្គ្រោះនៅមន្ទីរពេទ្យបង្អែកមង្គលបុរី ។ ជនសង្ស័យទាំង២នាក់ ១-ឈ្មោះ លីន ភេទប្រុស អាយុ ២២ឆ្នាំ និង២-ឈ្មោះ ណាក់ ភេទប្រុស អាយុ១៩ឆ្នាំ រស់នៅជិតផ្ទះជនរងគ្រោះ និងជាមិត្ត ភក្តិនឹងគ្នា ។ បច្ចុប្បន្នសមត្ថកិច្ចកំពុងតាមឃាត់ខ្លួនយកមកផ្តន្ទាទោសតាមច្បាប់ ។
ជនរងគ្រោះ បាត់បង់ម៉ូតូម៉ាក MSX ពណ៌ស ផលិតឆ្នាំ២០១៥ ស្លាកលេខ ប.ជ 1N 6287 ៕ ដោយ ៖ បញ្ញាស័ក្តិ
