ភ្នំពេញ ៖ រថយន្តកូរ៉េមួយគ្រឿងបើកកៀរ រ៉ឺម៉កម៉ូតូកង់បីដឹកមាន់មួយគ្រឿងជិះគ្នា៣នាក់ បណ្ដាលឱ្យធ្លាក់បុរសម្នាក់ចូលកង់ក្រោយមួយគ្រឿងកិនស្លាប់ នៅកន្លែកើតហេតុតែម្ដងចំណែករថយន្តបើករត់គេចបាត់។ ករណីគ្រោះថ្នាក់ចរាចរខាងលើកើតឡើងកាលពីម៉ោង៩និង១៥នាទីយប់ ង្ថៃទី២៨ខែមេសាឆ្នាំ២០១៨ នៅតាមផ្លូវវេងស្រេង ភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ ។
សមត្ថកិច្ចឱ្យដឹងថា៖ បុរសរងគ្រោះ ឈ្មោះ ហេង ង៉ីម ហៅតឿ អាយុ៣២ឆ្នាំ ស្នាក់នៅ ភូមិត្នោតជ្រំ៤ សង្កាត់បឹងទំពុន ខណ្ឌមានជ័យ មានស្រុកកំណើតនៅភូមិក្បាលត្រាច ឃុំ ស្រែចាក ស្រុកស្នួល ខេត្តក្រចេះ ។ ជនរងគ្រោះមានប្រពន្ធនិងកូនស្រីតូចស្រី២នាក់រស់នៅឯស្រុកកំណើត ។
ក្នុងហេតុការណ៌នោះអ្នកបើករ៉ឺម៉កកង់បីបានឲ្យដឹថា ៖ពួកគេមានគ្នាបីនាក់ក្រោយពីដឹកមាន់ដាក់ឲ្យម៉ូយអស់ហើយបានធ្វើដំណើរតាមផ្លូវវេងស្រេងពីលិចទៅកើត លុះមកដល់ចំណុចកើតហេតុស្រាប់តែមានរថយន្តកូរ៉េមួយគ្រឿងមិនចាំស្លាកលេខ បើកបរពី លិចទៅកើត ស្របទិសគ្នាដោយបើកវ៉ារថយន្តកុងតឺន័រមួយគ្រឿងក៏ជ្រុល មកកៀររ៉ឺម៉កម៉ូតូរបស់គេបណ្ដាលឲ្យធ្លាក់ជនរងគ្រោះចូលកង់ខាងក្រោយរថយន្តកិនស្លាប់ក្នុងថ្លុកឈាម ចោលប្រពន្ធនិងកូនស្រីតូច២នាក់ដែលរស់នៅឯស្រុកកំណើត ។ ចំណែករថយន្តបន្ថែមល្បឿនបើករត់គេចបាត់ ។
អ្នកភូមិក៏បានឱ្យដឹងថា៖ក្រោយកើតហេតុសមត្ថកិច្ចចុះមកធ្វើការវាស់វែងយករ៉ឺម៉កម៉ូតូទៅរក្សាទុកនៅអធិការដ្ឋានខណ្ឌពោធិ៍សែនជ័យដើម្បីស្រាវជ្រាវរករថយន្តបង្ក ចំណែកសព បុរសរងគ្រោះប្រគល់ជូនសាច់ញាតិយកទៅស្រុកកំណើត៕ ដោយ៖បញ្ញាស័ក្តិ