តាម Yonhap នៅថ្ងៃទី ២៩ ខែមេសា ម្សិលមិញនេះ វិមានប្រធានាធិបតីកូរ៉េខាងត្បូង ឲ្យដឹងថា ប្រធានគីម ជុងអ៊ុន បានប្រកាសនឹងបិទទ្វារទីលានសាកល្បងនុយក្លេអ៊ែរ Punggye-ri នៅអំឡុងខែឧសភាខាងមុខ ហើយការបំផ្លាញចោលទីលាននេះនឹងធ្វើដោយបើកចំហ។
កន្លែងសាកល្បងអាវុធនុយក្លេអ៊ែរនៅ Punggye-ri ដែលស្ថិតនៅតំបន់ពាយ័ព្យកូរ៉េខាងជើង។
តាមនោះលោកគីម ជុងអ៊ុន និងអញ្ជើញអ្នកជំនាញការសន្តិសុខ និងអ្នកសារព័ត៌មាន ដើម្បីធ្វើជាសាក្សីក្នុងការដែលប្រទេសនេះ លុបបំបាត់ចោលទីលានសាកល្បងនុយក្លេអ៊ែរ Punggye-ri ។
តាមរយៈសេចក្តីថ្លែងការណ៍នៅថ្ងៃទី ២៧ ខែមេសា នៅជំនួបកំពូលអន្តរកូរ៉េ កូរ៉េខាងជើងបានលើកឡើងច្បាស់ថា នឹងអនុវត្តគោលដៅរួមគឺឧបទ្វីបកូរ៉េ ១ គ្មាននុយក្លេអ៊ែរ ឆ្លងតាមរយៈនៃការលុបចោលទាំងស្រុងនុយក្លេអ៊ែរនៅឧបទ្វីបនេះ ។ កូរ៉េខាងជើង ក៏នឹងម្ចាស់ការអនុវត្តវិធានការបង្កកនុយក្លេអ៊ែរ ដែលមានអត្ថន័យយ៉ាងធំធេង ។ ប្រការនេះគឺជាចំណុចចាប់ផ្តើមក្នុងការលុបចោលនុយក្លេអ៊ែររបស់កូរ៉េខាងជើង ។
លោកគីម ជុងអ៊ុន និងលោកមូន ចាអ៊ីន ចុះហត្ថលេខាលើសេចក្តីថ្លែងការណ៍រួម នៅថ្ងៃទី ២៧ ខែមេសា ។
គួររំលឹកថា បើតាម SCMP នៅថ្ងៃទី ២៦ ខែមេសា អ្នកជំនាញការចិនបានរកឃើញថា ទីលានសាកល្បងនុយក្លេអ៊ែរ Punggye-ri នៅលើកំពូលភ្នំ Mantap បានបាក់ស្រុតយ៉ាងជ្រៅ ព្រោះតែវាទទួលការសាកល្បងចំនួន ៥ លើក មកនោះ ចិននឹងបណ្តាប្រទេសជិតខាងមានកង្វល់ព្រោះតែការប្រឈមនឹងហានិយភ័យរីកសាយវិទ្យុសកម្ម៕ សូយន