ស្ត្រីមុខស្អាត តែដងខ្លួនពោរពេញដោយសាច់ដុំកង់ៗ បានធ្វើឲ្យអ្នកទស្សនិកជនភ្ញាក់ផ្អើលយ៉ាងខ្លាំង នៅពេលឃើញរូងរាងរបស់នាងផ្ទាល់នឹងភ្នែក និងសូម្បីបានប៉ះសាច់របស់នាង នៅលើឆាកនៃកម្មពិធីទូរទស្សន៍មួយរបស់កូរ៉េខាងត្បូង កាលពីពេលកន្លងទៅថ្មីៗនេះ ។
ជាការពិតណាស់ ប្រសិនសម្លឹងត្រឹមតែមុខមាត់ដ៏ស្រស់ស្អាតរបស់នាង នោះអ្នកប្រាកដថា នាងជាតារា K-pop មួយដួងតែម្តង ប៉ុន្តែ អ្នកនឹងដាច់ផ្ងារ ខណៈសម្លឹងចុះក្រោម ព្រោះតែរាងកាយរបស់នាង ពោរពេញទៅដោយសាច់ដុំធំៗដូចអ្នកកីឡាកាសយ៉ាងនេះ ។
នាង Yeon Woo Jhi អាយុ ៣១ ឆ្នាំ ត្រូវបានគេផ្តល់រហ្សនាមថា៖ «អ្នកហាត់លើកទម្ងន់ស្រីដ៏ស្រស់ស្អាតបំផុតនៅលើពិភពលោក» ។
Yeon បានឈ្នះការប្រកួតជាច្រើន នៅក្នុងប្រទេសកូរ៉េខាងត្បូង, អាស៊ី និងអឺរ៉ុប ។ ជ័យជំនះដ៏ធំបំផុតរបស់នាង គឺ Arnold Classic Europe Physique ក្នុងឆ្នាំ២០១៤ ។
ទោះយ៉ាងណា គ្រប់គ្នាពិតជាមានការភ្ញាក់ផ្អើល ខណៈដឹងថា ប្តីរបស់នាងក៏ជាអ្នកលើកទម្ងន់ ដែលមានសាច់ដុំធំៗមិនចាញ់នាងផងដែរ ៕ ចន្ទី