តាម CNN ប្រធានាធិបតីកូរ៉េខាងត្បូង Moon Jae-in បានបញ្ចុះបញ្ចូលមេដឹកនាំកូរ៉េខាងជើង គីម ជុងអ៊ុន ជួបជាមួយប្រធានាធិបតីអាមេរិក ដូណាល់ ត្រាំ នៅតំបន់ព្រំដែនកូរ៉េខាងជើង និងកូរ៉េខាងត្បូង ក្នុងជំនួបកំពូលកាលពីថ្ងៃទី ២៧ ខែមេសា ។
នៅថ្ងៃទី ៣០ ខែមេសា ម្សិលមិញនេះ លោកដូណាល់ ត្រាំ បានសរសេរលើ Twitter ថា ប្រទេសជាច្រើនត្រូវបានថ្លឹងថ្លែងដើម្បីរៀបចំជំនួបកំពូលអាមេរិក-កូរ៉េខាងជើង ហើយខ្ញុំគ្រាន់តែចោទសំណួរថា អគារសន្តិភាព អគារសេរីភាព ស្ថិតនៅព្រំដែនកូរ៉េទាំងពីរ ពិតជាមានអត្ថន័យជានិមិត្តរូបដ៏សំខាន់ និងយូរអង្វែង បើប្រៀបទៅនឹងប្រទេសទី ៣ ។
គួររំលឹកថា មុននោះលោកត្រាំ បាននិយាយពីជម្រើសសម្រាប់រៀបចំជំនួបកំពូលអាចធ្វើឡើងនៅប្រទេស ២ ឬ ៣ ប៉ុន្តែឥឡូវនេះតាមរយៈសំណេរខាងលើទីតាំងរៀបចំចុងក្រោយនៃជំនួបនេះគឺស្ថិតនៅទីតាំងផ្អាកសង្គ្រាម Panmunjom ស្ថិតនៅព្រំដែនកូរ៉េទាំងពីរ ទីនេះក៏ត្រូវបានចុះហត្ថលេខាលើសន្ធិសញ្ញាផ្អាកសង្គ្រាមនៅឆ្នាំ ១៩៥៨ ។
អគារសន្តិភាពគឺជាអគារមានកម្ពស់ ៣ជាន់ ត្រូវបានកសាងនៅឆ្នាំ ១៩៨៩ ស្ថិតក្រោមការគ្រប់គ្រងរបស់អង្គការសហប្រជាជាតិ ហើយកំពុងត្រូវបានការពារយ៉ាងម៉ត់ចត់ដោយកងទ័ពកូរ៉េទាំងពីរ ។
គួររំលឹកថា មុននោះបានធ្លាយចេញព័ត៌មានអំពីជំនួបកំពូលអាមេរិក-កូរ៉េខាងជើង អាចប្រព្រឹត្តទៅនៅប្រទេសចំនួន៣ជាជម្រើស ៖ ម៉ុងហ្គោលី ស្វីស និងសិង្ហបុរី ៕