ប្រធានាធិបតីដូណាល់ ត្រាំ ប្រកាសថា ពីមួយថ្ងៃទៅមួយថ្ងៃអាមេរិកកាន់តែពុំចង់ក្លាយខ្លួនជាប៉ូលិសពិភពលោក ព្រោះតែត្រូវចំណាយលុយច្រើនសន្ធឹកសន្ធាប់សម្រាប់សកម្មភាពនេះ ។
ប្រធានាធិបតីត្រាំ អាមេរិកពុំចង់ធ្វើជាប៉ូលិសពិភពលោកទៀតទេ។
ប្រធានាធិបតីត្រាំ និងអ្នកស្រី ហ៊ីលឡារី
ថ្លែងក្នុងសន្និសីទសារព័ត៌មាន រួមជាមួយសមាសភាគី នីហ្សេរីយ៉ា Nigeria Muhammadu Buhari នៅសេតវិមានថ្ងៃទី ៣០ ខែមេសាថា ៖ យើងខ្ញុំកាន់តែពុំចង់ក្លាយជាប៉ូលិសពិភពលោក ។
លោកត្រាំពោលបន្ត ៖ យើងខ្ញុំបានចំណាយលុយដ៏ច្រើន ក្នុងអំឡុងច្រើនទសវត្សរ៍កន្លងមកដើម្បីបំពេញការងារជាប៉ូលិសពិភពលោក ។ នេះពុំមែនជាអាទិភាពរបស់យើងទេ ។ យើងខ្ញុំចង់ស្វ័យគ្រប់គ្រងខ្លួនឯង ។ យើងខ្ញុំចង់គ្រប់គ្រងទឹកដីរបស់យើងខ្ញុំឡើងវិញ ។
ឥរិយាបថបែបនេះរបស់ប្រធានាធិបតីត្រាំ ជាថ្មីម្តងទៀតបញ្ជាក់ពីការសន្យារបស់លោកចំពោះបញ្ហាដែលអាមេរិក នឹងដកកងកម្លាំងចេញពីសង្គ្រាមនៅប្រទេសក្រៅ ហើយក៏បញ្ចប់តួនាទីរបស់ក្រុងវ៉ាស៊ីនតោន ក្នុងទង្វើគាំទ្រដល់ការកសាងប្រទេសដទៃទៀត ។ តាំងពីយូរហើយដែលម្ចាស់សេតវិមានរូបនេះតែងរអ៊ូរទាំអំពីការដែលអាមេរិក ចំណាយលុយកាក់ និងធនធានធម្មជាតិ ឲ្យបណ្តាអង្គការអន្តរជាតិជាអាទិ៍ NATO ៕ សូយន