នៅថ្ងៃទី ២៩ ខែមេសា រដ្ឋាភិបាល Zimbabwe ចាប់ផ្តើមអនុញ្ញាតឲ្យពលរដ្ឋដាំកញ្ឆាដើម្បីផលិតឱសថ និងបម្រើឲ្យការស្រាវជ្រាវវេជ្ជសាស្ត្រ ។
Zimbabwe បានក្លាយជាប្រទេសទី ២ នៅទ្វីបអាហ្វ្រិកដែលធ្វើឲ្យការដាំកញ្ឆាក្លាយជារឿងស្របច្បាប់បន្ទាប់ពីប្រទេស Lesotho ដែលបានអនុញ្ញាតច្បាប់តាំងពីឆ្នាំទៅមិញ ។ តាមបទកំណត់ថ្មីនេះ បន្ទាប់ពីទទួលបានការអនុញ្ញាតច្បាប់ បណ្តាបុគ្គល និងក្រុមហ៊ុន នៅ Zimbabwe អាចដាំ កែច្នៃ និងដឹកជញ្ជូនកញ្ឆាស្រស់ ស្ងួត ឬក្នុងសណ្ឋានប្រេង ។ លិខិតអនុញ្ញាតនីមួយៗមានសុពលភាព ៥ឆ្នាំ និងអាចត្រូវបានព្យារពេល ។
ដើម្បីទទួលបានច្បាប់អនុញ្ញាត បុគ្គលឬអង្គការតម្រូវឲ្យផ្តល់នូវផែនការលំអិត អំពីទីកន្លែង និងផ្ទៃក្រឡាដាំដុះ ព្រមទាំងទិន្នផល ក៏ដូចជាពេលវេលាដាំ និងទទួលផល ។ លិខិតអនុញ្ញាតនឹងមិនត្រូវបានផ្តល់ប្រសិនបើមានព័ត៌មានថា បុគ្គលឬអង្គការនោះធ្លាប់ជាប់ពាក់ព័ន្ធនឹងរឿងជួញដូរកញ្ឆាមុននោះ ។
គួររំលឹកថា កាលពីមុនការដាំដុះ ជួញដូរ និងផលិតកញ្ឆានៅ Zimbabwe ជាអំពើល្មើសច្បាប់ និងអាចប្រឈមជាមួយទោសជាប់ពន្ធនាគារ ១២ឆ្នាំ ៕ សូយន