តាមកាសែត Korea Herald របស់កូរ៉េខាងត្បូងនៅថ្ងៃទី ៣០ ខែមេសា បានចុះផ្សាយរឿងក្រោយឆាកគួរឲ្យកត់សម្គាល់ ទើបត្រូវបានទម្លាយចេញ ។
ដំបូងគឺរឿង “៣០នាទី” សន្ទនាជាឯកជន ៖ ប្រធានាធិបតី មូន ចាអ៊ីន និងលោកគីម ជុងអ៊ុន បាននាំគ្នាដើរលើស្ពានឈើមួយក្នុងភូមិផ្អាកសង្គ្រាម Panmunjom បន្ទាប់មកក៏អង្គុយចុះហើយជជែកគ្នាជាឯកជន ក្នុងអំឡុងពេល ៣០នាទី។
មើលពីចម្ងាយពួកគេសើច ហើយមានពេលខ្លះក៏មានទឹកមុខម៉ឺងម៉ាត់រៀងខ្លួន តាមប៉ាន់ស្មាននោះប្រហែលជាកំពុងជជែងពីរឿងរំសាយនុយក្លេអ៊ែរ និងពីជំនួបកំពូលអាមេរិក-កូរ៉េខាងជើង។
ការជជែកនេះ ត្រូវបានបញ្ចប់ ហើយពួកគេក៏វិលមកអគារសន្តិភាពវិញដែលជាទីកន្លែងប្រព្រឹត្តទៅនៃជំនួបកំពូល ហើយមុនពេលដែលមេដឹកនាំទាំងពីចុះហត្ថលេខាលើ សេចក្តីថ្លែងការណ៍ Panmunjom ពួកគេបានបន្តជជែកគ្នា ១៥នាទីទៀត ។
នៅវេលាលាងសោយភោជពេលយប់ វេលាម៉ោងប្រមាណ ៨យប់ មេដឹកនាំគីម ជុងអ៊ុន បានដើរចេញពីកន្លែងយ៉ាងស្ងៀមស្ងាត់ដើម្បីទៅជក់បារី ។ នេះជាលើកទី១ហើយ ក្នុងអំឡុងពេលប្រព្រឹត្តទៅនៃសន្និសីទកំពូល គេឃើញលោកគីមជក់បារី ។ មន្ត្រីម្នាក់របស់វិមានប្រធានាធិបតីកូរ៉េខាងត្បូង ប្រាប់ថា នរណាក៏ដឹងថា លោកគីម ញៀនបារី ប៉ុន្តែលោកពិតជាទ្រាំមិនជក់បារីក្នុងអំឡុងពេលប្រព្រឹត្តទៅនៃសន្និសីទកំពូល ។
មេដឹកនាំគីម ពុំមានការបដិសេធម្តងណាសោះឡើយ គ្រាដែលចូលរួមក្នុងពិធីជប់លៀងមកអញ្ជើញស្រាលោក ។ គួរកត់សម្គាល់ថា ពិធីជប់លៀងប្រព្រឹត្តទៅអំឡុងពេល ១៦០នាទី ហើយមេដឹកនាំ និងជំទាវទី១ របស់ប្រទេសទាំងពីរ រួមនឹងភ្ញៀវអញ្ជើញ ៥៣រូបទៀត បានពិសារស្រាត្រៀមដោយភាគីកូរ៉េខាងត្បូង វាមានអាកុលដល់ទៅ ៤០% ។
ជាភ្ញៀវភាគីរបស់កូរ៉េខាងត្បូង ប៉ុន្តែកូរ៉េខាងជើង ក៏បាននាំមកនូវចុងភៅ ព្រមទាំងគ្រឿងទេស ដើម្បីធ្វើមីត្រជាក់បែបព្យុងយ៉ាង ។
មេដឹកនាំទាំងពីរសរសើរថា ពិតជាឆ្ងាញ់ ប៉ុន្តែចុងភៅនិយាយថា ស្តាយណាស់ដែលពុំអាចនាំយករសជាតិ ១០០% របស់មីត្រជាក់បែបព្យុងយ៉ាងបាន ។
លោកគីម ជុងអ៊ុន និង មូនចាអ៊ីន បរិភោគមីត្រជាក់រួមគ្នា