ប្រធានាធិបតីកូរ៉េខាងត្បូង ម៉ូន ជេអ៊ីន បានធ្វើការច្រាលដាច់ខាតថា ចំពោះការលើកឡើងថា កងទ័ពអាមេរិចដែលកំពុងស្ថិតនៅកូរ៉េខាងត្បូង នឹងធ្វើការដកចេញ ក្រោយពេលកូរ៉េទាំងពីរ ចុះសន្ធិសញ្ញាសន្តិភាព។ នេះបើតាមការចេញផ្សាយរបស់ការសែតកូរ៉េខាងត្បូង Yonhap នៅថ្ងៃពុធ ទី ២ ខែឧសភានេះ។
លោក ម៉ូន បានបញ្ជាក់ថា វត្តមានកងទ័ពអាមេរិចគឺជាបញ្ហាទំនាក់ទំនងរវាងអាមេរិច និងកូរ៉េខាងត្បូង ហើយវាមិនជាប់ពាក់ព័ទ្ធទៅនឹងការចុះសន្ធិសញ្ញាសន្តិភាពនោះឡើយ។
ការច្រានចោលនេះបានកើតឡើងភ្លាមៗ ក្រោយពេលទីប្រឹក្សាពិសេសរបស់លោកឈ្មោះ Moon Chung-in បានធ្វើការលើកឡើងថា ទ័ពអាមេរិចអាចនឹងត្រូវដកចេញ។
សូមបញ្ជាក់ថា កាលពីក្នុងកំឡុងកិច្ចប្រជុំកំពូលជាប្រវត្តសាស្ត្រ នៅតំបន់ព្រំដែនស្ថិតក្នុងភូមិ Panmunjom នៅថ្ងៃសុក្រសប្តាហ៍មុនេះ លោក ម៉ូន និងមេដឹកនាំកូរ៉េខាងជើង បានឯកភាពគ្នាជំរុញឲ្យមានសន្តិភាពពេញលេញនៅឧបទ្វីបកូរ៉េ ដែលនឹងបញ្ចប់ជាផ្លូវការនូវសង្គ្រាមកូរ៉េក្នុងចន្លោះឆ្នាំ ១៩៥០-១៩៥៣។
ពេលធ្វើដំណើរទៅណាមកណាតាមរថយន្ត យើងគួរពាក់ខ្សែក្រវ៉ាត់ឲ្យបានគ្រប់ពេលវេលា ព្រោះវាអាចការពារអាយុជីវិតរបស់យើងបាន នៅពេលមានគ្រោះថ្នាក់ចរាចរណ៍។
យើងគ្រប់គ្នាមិនអាចមើលឃើញថាគ្រោះថ្នាក់ចរាចរណ៍នឹងកើតឡើងនៅពេលណានោះទេ ហើយការពាក់ខ្សែក្រវ៉ាត់គឺជាវិធីមួយ ដែលមានភាគរយខ្ពស់អាចការពារអាយុជីវិតរបស់យើងបាន ជាងការមិនពាក់ខ្សែក្រវ៉ាត់។
ពេលទស្សនាវីដេអូនេះរួច គេហទំព័រ CEN សង្ឃឹមថាប្រិយមិត្តទាំងអស់គ្នាដែលមិនធ្លាប់ពាក់ខ្សែក្រវ៉ាត់ នឹងធ្វើការពាក់វា ពេលធ្វើដំណើរ៕ សុភ័ក្ត្រ