សិល្បៈ៖ ខណៈដែលស្ថានភាពជម្ងឺរបស់ឪពុកនៅមិនទាន់បានធូរស្បើយ តារាចម្រៀងប្រចាំផលិតកម្មថោន លោក ករុណា ពេជ្រ នៅតែបន្តប្រកាសលក់វីឡាដ៏ស្កឹមស្កៃរបស់ខ្លួន ដែលមានទីតាំង នៅបុរីពិភពថ្មី សំរោងអណ្តែត ក្បែរផ្សារ Makro និង ផ្សារទំនើប AEON II ។
មួយរយៈពេលធំមកហើយ ស្ថានភាពជំងឺរបស់ឪពុកលោក ករុណា ពេជ្រ នៅតែពុំទាន់ធូរស្រាល ហើយបច្ចុប្បន្ននេះឪពុករបស់លោក កំពុងសម្រាកព្យាបាលនៅទីក្រុង ហូជីមិញ ប្រទេសវៀតណាម ។
គួរបញ្ជាក់ថា លោក ករុណា ពេជ្រ បានប្រកាសលក់ផ្ទះរបស់លោកក្រោយពីដឹងថាស្ថានភាពឪពុកនៅតែធ្ងន់ ដោយសរសេរនៅលើគណនីហ្វេសប៊ុករបស់លោកថា ហុឺ …. បងប្អូននៅសល់តែពីរនាក់ ឥឡូវប្អូនឈឺទៀត។ ខ្ញុំសូមប្រកាស លក់ផ្ទះ វីឡាទោល ហើយកែង ផ្លូវ ខាងមុខតែម្តង។ ដែលមានទីតាំង នៅបុរីពិភពថ្មី សំរោងអណ្តែត 3 ផ្ទះលេខ 2 ( E0,E1,E2 ) , ផ្លូវ A ទល់មុខសួនច្បារ ធំ 2 មានទីធ្លាធំទូលាយ នៅមុខផ្ទះ។ ចំណាយពេលតែ ៥នាទី ដល់ផ្សារ Makro និង ផ្សារទំនើប AEON II ។ ទំហំដី : ទទឹងមុខ 18,40 m រីកទទឹងក្រោយ 19,40m និង បណ្តោយ 33,40 m តំលៃ បងប្អូនអាចសួរក្នុង inbox”៕ សាវុធ
