ភ្នំពេញៈ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានប្រាប់ឯកអគ្គរដ្ឋទូតបារាំងប្រចាំកម្ពុជា សហការជួយទប់ស្កាត់ និងផលិតផលក្លែងក្លាយ ជាពិសេសថ្នាំពេទ្យ ដែលធ្វើឲ្យប៉ះពាល់ដល់សុខភាពរបស់ប្រជាពលរដ្ឋ។ ដោយសម្តេចបានបញ្ជាក់ថា ប្រជាពលរដ្ឋខ្មែរភាគច្រើនជឿជាក់ទៅលើគុណភាព និងផលិតផលថ្នាំពេទ្យរបស់បារាំង។ ប៉ុន្តែមួយរយៈចុងក្រោយនេះ គឺមានការក្លែងបន្លំនៅផលិតផលដែលធ្វើឲ្យសាធារណៈជនមានការយល់ច្រឡំ និងធ្វើឲ្យខូចនៅឈ្មោះផលិតផលរបស់បារាំង។
ការថ្លែងរបស់រដ្ឋមន្ត្រីក្រសួងមហាផ្ទៃ បានធ្វើឡើងនៅក្នុងជំនួបពិភាក្សាជាមួយលោកស្រី Eva Nguyen Binh ឯកអគ្គរដ្ឋទូត នៃសាធារណរដ្ឋបារាំងប្រចាំកម្ពុជា កាលពីរសៀលថ្ងៃទី៣១ ខែតុលា ឆ្នាំ២០១៧ នៅទីស្តីការក្រសួងមហាផ្ទៃ។
សម្តេចក្រឡាហោម ស ខេង បានឯកភាពនៅរាល់កិច្ចសហប្រតិបត្តិការទាំងឡាយដែលក្រសួងមហាផ្ទៃបានមានកន្លងមកជាមួយនឹងបារាំង។ ហើយសម្តេចក៏ត្រៀមធ្វើកិច្ចសហការទៅលើបញ្ហាដទៃទៀតជាផលប្រយោជន៍សម្រាប់ប្រទេសទាំងពីរ។ ហើយមានបញ្ហាមួយដែលសម្តេចក្រឡាហោម ចាប់អារម្មណ៍គឺពាក់ព័ន្ធទៅនិងកិច្ចសហប្រតិបត្តិការលើការងារទប់ស្កាត់ និងផលិតផលក្លែងក្លាយជាពិសេសថ្នាំពេទ្យ។ ដោយសម្តេចបានបញ្ជាក់ថា ប្រជាពលរដ្ឋខ្មែរភាគច្រើនជឿជាក់ទៅលើគុណភាព និងផលិតផលថ្នាំពេទ្យរបស់បារាំង។ ប៉ុន្តែមួយរយៈចុងក្រោយនេះ គឺមានការក្លែងបន្លំនៅផលិតផលដែលធ្វើឲ្យសាធារណៈជនមានការយល់ច្រឡំ និងធ្វើឲ្យខូចនៅឈ្មោះផលិតផលរបស់បារាំង។ ហើយសម្តេចសូមឲ្យមានកិច្ចសហប្រតិបត្តិការបន្តខាងបារាំងជាមួយកម្ពុជា ដើម្បីធ្វើយ៉ាងណាថែរក្សាសុខមាលលភាពសាធារណៈ ក៏ដូចជាផ្តល់ផលប្រយោជន៍នៃប្រទេសទាំងពីរផងដែរ។
ជាការឆ្លើយតប ឯកអគ្គរដ្ឋទូតបារាំង បានឯកភាពចំពោះការលើកឡើងរបស់សម្តេចក្រឡាហោម ស ខេង អំពីផលិតផលថ្នាំពេទ្យក្លែងក្លាយ។ ហើយខាងបារាំងបានធ្វើសកម្មភាពច្រើនជាមួយភាគីកម្ពុជាក្នុងការទបើស្កាតើផលិតផលក្លែងក្លាយនេះ ហើយនិងបន្តធ្វើសកម្មភាពនេះជាមួយគ្នាជាបន្តទៀត។ ហើយវាមានសារៈសំខាន់ណាស់ ជាពិសេសផលិតផលក្លែងក្លាយដែលធ្វើឲ្យប៉ះពាល់ដល់សុខភាពសាធារណៈ។
ជាមួយគ្នានេះ ឯកអគ្គរដ្ឋទូតបារាំងក៏បានស្នើសម្តេចក្រឡាហោម ស ខេង ផ្តល់ព័ត៍មានបន្ថែមអំពីបញ្ហាសមាគម និងអង្គការក្រៅរដ្ឋាភិបាលរបស់បារាំងដែលកំពុងតែបំពេញភារកិច្ចនៅកម្ពុជា។ ដោយសារមានអង្គការ សមាគមមួយចំនួនមិនទាន់យល់ច្បាស់អំពីនីតិវិធី នៃការចុះបញ្ជី ក៏ដូចជានីតិវិធីធ្វើប្រតិបត្តិការ ការធ្វើរបាយការណ៍ផ្សេងៗ។ ហើយលោកស្រីតែងតែប្រាប់ទៅអង្គការ សមាគមនានារបស់បារាំងនៅកម្ពុជា គឺធ្វើយ៉ាងណាត្រូវតែគោរពទៅតាមច្បាប់របស់កម្ពុជា។
សម្តេចក្រឡាហោម ស ខេង បានបញ្ជាក់ប្រាប់ឯកអគ្គរដ្ឋទូតបារាំងថា នៅកម្ពុជាមានអង្គកការក្រៅរដ្ឋាភិបាលពីរប្រភេទ គឺអង្គការក្រៅរដ្ឋាភិបាលក្នុងស្រុក និងអង្គការក្រៅរដ្ឋាភិបាលអន្តរជាតិ។ ហើយអង្គការក្រៅរដ្ឋាភិបាលក្នុងស្រុក គឺត្រូវតែចំបញ្ជីនៅក្រសួងមហាផ្ទៃ និងធ្វើរបាយការណ៍ប្រចាំឆ្នាំមកក្រសួងមហាផ្ទៃ និងត្រូវតែគោរពតាមលក្ខន្តិកៈនៃក្រសួងមហា ផ្ទៃ។ ចំពោះអង្គការអន្តរជាតិ គឺត្រូវចាប់ដៃគូរជាមួយក្រសួង ស្ថាប័នណាមួយ និងទទួលបានការអនុញ្ញាតពីក្រសួងការបរទេស និងសហប្រតិបត្តិការអន្តរជាតិ។
នៅក្នុងជំនួបសម្តេចក្រឡាហោម ស ខេង បានថ្លែងអំណរគុណចំពោះកិច្ចសហប្រតិបត្តិការរវាងកម្ពុជា បារាំង ជាពិសេសគឺរវាងក្រសួងមហាផ្ទៃ ជាមួយនគរបាលបារាំង ដែលធ្លាប់បានបង្កើតជាមួយគ្នាក្នុងរយៈពេលកន្លងមក និងបានបង្កើតជាលទ្ធផលជាផ្លែផ្កាជាច្រើនក្នុងការបណ្តុះបណ្តាល ក៏ដូចជានាំមកវឌ្ឍនៈភាពនៅក្នុងវិស័យកងកម្លាំងនគរបាលជាតិកម្ពុជាផងដែរ។
លោកស្រី Eva Nguyen Binh បានថ្លែងថា លលោកស្រីពិតជារីករាយដែលទទួលបានការតែងតាំងជាឯកអគ្គរដ្ឋទូត នៃសាធារណរដ្ឋបារាំងប្រចាំកម្ពុជា ដែលកម្ពុជា បារាំងមានទំនាក់ទំនងនិងគ្នាជាយូរលង់មកហើយ និងជាទំនាក់ទំនងមួយដ៏ស៊ីជម្រៅ និងជាទំនាក់ទំនងមួយដ៏ល្អ។ ហើយលោកស្រីបានលើកឡើងថា ខាងស្ថានទូតមានបំណងចង់ពង្រីកនៅទំនាក់ទំនងបន្ថែមទៀត ក៏ដូចជាធ្វើកិច្ចសហការជាមួយក្រសួងមហាផ្ទៃ ពាក់ព័ន្ធនិងការបន្ថែមនៅប្រភេទប៊ីស៊ីនីសវីហ្សាមកកាន់កម្ពុជា ដែលកិច្ចការនេះ លោកស្រី
ជឿជាក់ថា ពាក់ព័ន្ធទៅនិងសមត្ថកិច្ចក្រសួងមហាផ្ទៃ ដែលក្រុមការងាររបស់លោកស្រី និងធ្វើការទាក់ទងជាមួយក្រសួងមហាផ្ទៃ។
លោកស្រីឯកអគ្គរដ្ឋទូតបារាង ក៏បានលើកឡើងអំពីកិច្ចសហប្រតិបត្តិការដទៃទៀត ដែលនឹងមាន ឬអាចបង្កើតឱកាសឲ្យមាននៅទំនាក់ទំនងផ្សេងទៀត ក្រសួងមហាផ្ទៃ ក៏ដូចនឹងស្ថានទូត ក៏ដូចជាព្រះរាជាណាចក្រកម្ពុជាជាមួយបារាំង៕ ដោយៈ មុនីរាជ
