លោកឧកញ៉ា ឌួង ឆាយ ត្រូវបានមហាជន ជាពិសេសអ្នកប្រើប្រាស់បណ្តាញសង្គមស្គាល់យ៉ាងច្បាស់ និងចាត់ទុកថាលោកគឺជាឧកញ៉ាផ្នែកជំនួញវ័យក្មេងមានចិត្តសប្បុរសធម៌មួយរូប ដែលតែងជួយឧបត្ថម្ភដល់ជនក្រីក្រនៅក្នុងសង្គមជាច្រើន ។
ថ្មីៗនេះ លោកបានធ្វើឲ្យគេមានការភ្ញាក់ផ្អើល និងកោតសរសើរគ្រប់ៗគ្នា ខណៈលោកបានបង្ហោះរូបភាពទាក់ទងនឹងការងារជួយដល់សង្គម ដោយសរសេរចំណងជើងយ៉ាងខ្លីនៅលើទំព័រហ្វេសប៊ុករបស់លោកថា៖ «យុទ្ធធានាការផ្ទះគ្មានដំបូលស្លឹក និងសាងសង់ផ្ទះជូនជនទុរគត» ។
តាមរយៈសារមួយនេះផងដែរ បងប្អូនអ្នកប្រើប្រាស់បណ្តាញសង្គមដែលជាអ្នកគាំទ្រ បាននាំគ្នាចូល Comment នូវពាក្យពេចន៍ល្អៗឆ្លើយតបទៅនឹងទង្វើសប្បុរសធម៌របស់លោក ដែលក្នុងនោះដូចជាថា៖ «សូមសរសើរដល់លោក ដែលមានទ្រព្យធន់ច្រើចេះប្រើប្រាស់សិល្បះចែករំលែកដល់ជនក្រីក្រ», «ឧកញ្ញាក្មេងចិត្តធម៍ ជឹះម៉ូតូសិក្សាដោយខ្លួនឯង ពិតជាមិនធម្មតាមែន…វ័យក្មេង មានសមត្ថភាព និងធម៍មេត្តា», «ខ្ញុំបាទសូមសរសើរចំពោះទឹកល្អបងប្រុស សម្រាប់អ្នកទីទាល់ក្រ ជូនពរបងប្រុសនិងក្រុមគ្រួសារទទួលបានសុខភាពល្អ និងទទួលជោគជ័យគ្រប់ភារកិច្ច» និងចំណែកអ្នកខ្លះទៀតក៏មានយោបល់ផងដែរថា សូមឲ្យយុទ្ធធានាការនេះបានជោគជ័យ ផងដែរ ៕ ចន្ទី
