ភ្នំពេញ ៖ នៅរសៀលថ្ងៃទី៣ ខែឧសភា ឆ្នាំ២០១៨ លោក ឃួង ស្រេង អភិបាលរាជធានីភ្នំពេញ បានដឹកនាំមន្ត្រីបច្ចេកទេសក្រោមឱវាទរដ្ឋបាលរាជធានីចុះពិនិត្យដំណើរការគម្រោងសាងសង់ជញ្ជាំងបេតុងប្រឡាយស្ទឹងមានជ័យ ចាប់ពីស្ពានអាកាសស្ទឹងមានជ័យដល់ទ្វារទឹកប្រឡាយដើមស្លែងផ្លូវលេខ៣៧១ និងពិនិត្យប្រព័ន្ធប្រឡាយលូក្នុងភូមិសាស្ត្រតំបន់សឡា, ភូមិសាស្ត្រតំបន់ទីលានសំរាមស្ទឹងមានជ័យ ដើម្បីឆ្លើយតបនឹងសំណូមពររបស់បងប្អូនប្រជាពលរដ្ឋ ។
គួរបញ្ជាក់ថា៖ ប្រឡាយស្ទឹងមានជ័យមាន មានសារសំខាន់ណាស់ ក្នុងការរំដោះទឹកជំនន់ទឹកភ្លៀង ចេញពីតំបន់ព្រលានយន្តហោះផ្នែកខាងត្បូង និងខាងកើត ផ្លូវ២០០៤ ផ្លូវ២០០២ និងតំបន់ប្រមូលទឹកនៅស្ទឹងមានជ័យ ដោយបង្ហូរទំលាក់ទៅតាមប្រឡាយមេស្ទឹងមានជ័យ ឆ្ពោះទៅស្ថានីយ៍បូមទឹកបឹងទំពុន៕ ដោយ ៖ បញ្ញាស័ក្តិ