បន្ទាយមានជ័យ ៖ រថយន្តក្រុមហ៊ុនស្រាបៀរអង្គ បើកម៉ូតូមួយគ្រឿង បណ្តាលឲ្យស្លាប់ម្នាក់នៅនឹងកន្លែង នៅរសៀលថ្ងៃទី៣ ខែឧសភា ឆ្នាំ២០១៨ នៅតាមបណ្តោយផ្លូវជាតិលេខ៥ ស្ថិតភូមិអូរស្ងួត ឃុំអូរប្រាសាទ ស្រុកមង្គលបូរី។
នគរបាលមូលដ្ឋាន បានឲ្យដឹងថា រថយន្តបង្កខ្នាតធំប្រភេទយីឌុប ពាក់ស្លាកលេខ ភ្នំពេញ 3A-2383 ពណ៌ក្រហម របស់ក្រុមហ៊ុនស្រាបៀរអង្គរ ។ ជនរងគ្រោះឈ្មោះ សាយ សិរីរិទ្ធ ភេទប្រុស អាយុ២៤ឆ្នាំ រស់នៅភូមិរ៉ាចំការចេក ឃុំអូរប្រាសាទ ស្រុកមង្គលបូរី។
នៅពេលគ្រោះថ្នាក់ចរាចរ កើតឡើង គឺជនរងគ្រោះបានជិះម៉ូតូម៉ាកហុងដាឃ្លិក ពណ៌ស ផលិតឆ្នាំ២០១៦ ដែលពាក់ស្លាក់លេខ បន្ទាយមានជ័យ 1M-8724 ដែលបើកបរតាមបណ្តោយផ្លូវជាតិលេខ៥ ក្នុងទិសដៅពីត្បូងទៅជើងក្នុងល្បឿនលឿនបានឡើងវ៉ារថយន្តមួយគ្រឿងទៀតខាងបានទៅបុកជាមួយនឹងរថយន្តធុនធំរបស់ក្រុមហ៊ុនស្រាបៀរអង្គរ ដែលមកបញ្ច្រាសទិសគ្នាពេញទំហឹង បណ្តាលជនរងគ្រោះស្លាប់ភ្លាមៗនៅនឹងកន្លែងហើយម៉ូតូបណ្តាលខ្ទេចរួចផ្នែកខាងមុខហើយអ្នកបើកបររថយន្តបានរត់គេចខ្លួនបាត់។
ក្រោយពេលគ្រោះថ្នាក់ចរាចរកើតឡើងឃើញមន្ត្រីនគរបាលចរាចរណ៍ជើងគោកស្រុកមង្គលបូរីបានចុះមកពិនិត្យភ្លាមៗហើយវាស់វែងបានឲ្យដឹងថាមូលហេតុដែលគ្រោះថ្នាក់ចរាចរកើតឡើងបណ្តាលឲ្យជនរងគ្រោះស្លាប់ភ្លាមៗនិងខ្ទេចម៉ូតូមួយគ្រឿងបណ្តាលមកពីជនរងគ្រោះជិះម៉ូតូក្នុងល្បឿនលឿនវ៉ាជែងដោយគ្មានការប្រុងប្រយ័ត្ននិងមើលខាងមុខបណ្តាលទៅបុករថយន្តធុនធំរបស់ក្រុមហ៊ុនស្រាបៀរអង្គរបណ្តាលស្លាប់ភ្លាមៗ។ រថយន្តនិងម៉ូតូយកទៅរក្សាទុកនៅអធិការដ្ឋាននគរបាលស្រុកមង្គលបូរីដើម្បីអនុវត្តន៍តាមច្បាប់៕ ដោយ៖បញ្ញាស័ក្តិ
