យុវជនប្រុសស្រីដែលសិស្សសាលា បានបង្កព្យុះភ្លៀងនៅតាមដងផ្លូវជាច្រើនក្នុងកោះបាលី (ឥណ្ឌូនេស៊ី) កាលពីថ្ងៃព្រហស្បតិ៍ ដើម្បីអបអរសាទរពីការចេញលទ្ធផលនៃការប្រលងវិទ្យាល័យរបស់ពួកគេ ។
យុវជនប្រុសស្រីទាំងនោះ ដែលស្ថិតក្នុងឯកសណ្ឋានជាមួយសញ្ញាហត្ថលេខា និងកំណត់សម្គាល់ផ្សេងៗពីមិត្តរួមថ្នាក់របស់ពួកគេ បាននាំគ្នាជិះម៉ូតូហែជាក្បួនស្រែកហ៊ោកញ្ជៀវអបអរពីលទ្ធផលប្រលងជាប់ថ្នាក់វិទ្យាល័យ ឡើងកក្រើកដងផ្លូវជុំវិញកោះបាលី បង្កការកកស្ទះចរាចរណ៍តែម្តង ។
ដើម្បីរក្សាចរាចរណ៍ឲ្យរលូន និងមានសណ្នាប់ធ្នាប់ ប៉ូលីសបានចាត់វិធានការក្តៅ ដើម្បីបញ្ឈប់សកម្មភាពហែក្បូនយ៉ាងអនាធិបតេយ្យរបស់យុវជនទាំងនោះ និងដាក់ទណ្ឌកម្ម តាមរយៈការបង្ខំពួកគេឲ្យធ្វើលំហាត់ប្រាណដូចជាអាវ៉ង់ដី និងមុជងើបៗឡើងចត់បាយគ្រប់ៗគ្នាតែម្តង ។
ទោះយ៉ាងណា ប៉ូលីសបានដោះលែងពួកគេវិញ បន្ទាប់ពីធ្វើការអប់រំ ទាក់ទងនឹងការបំពានច្បាប់ចរាចរណ៍ផ្សេងៗ ដែលបង្កការរំខានដល់អ្នកដទៃ ៕ ចន្ទី