កាលពីព្រឹកថ្ងៃពុធកន្លងមក អ្នកធ្វើដំណើរតាមផ្លូវស្ទើរតែពុំជឿលើភ្នែកខ្លួនគ្រាឃើញរថយន្តព័ត៌ខៀវមួយគ្រឿងត្រូវបានគេព្យួរប៉ែលប៉ោលដោយព្យួរតែខ្សែមួយប៉ុណ្ណោះពីក្រោមស្ពាន Leaside ជិតមហាវិថី Don Valley ភ្លាមៗនោះកងកម្លាំងគ្រប់ផ្នែកត្រូវបានចាត់បញ្ជូនទៅកាន់កន្លែងកើតហេតុ គេពិនិត្យឃើញរថយន្តនេះពុំមានម៉ាស៊ីន ហើយនឹងអ្នកដំណើរនៅខាងក្នុង ។
រថយន្តអាថ៌កំបាំងនេះ ពិតជាធ្វើឲ្យប៉ូលិសក្រញ៉ាញ់ខួរ។
ក្នុង១ថ្ងៃៗ ស្ពាននេះមានឡានរាប់ពាន់គ្រឿងធ្វើដំណើរឆ្លងកាត់ រហូតទល់ម៉ោងប្រមាណ ៨ព្រឹក ដោយរកឃើញថា រថយន្តនេះពុំមានស្លាកលេខ ប៉ូលិសបានប្រកាសថា វាជាការថតឈុតមួយនៃខ្សែភាពយន្ត ខណៈពេលដែលពុំមានផលិតកម្មភាពយន្តណាមួយចេញមុខទទួលស្គាល់សោះ ។
អ្នកខ្លះនិយាយថា នេះគឺជាល្បែងលេងសើចរបស់ក្រុមនិស្សិតនៅសកលវិទ្យាល័យ Toronto ឬសកលវិទ្យាល័យ Ryerson ដែលនៅក្បែរនោះ ប៉ុន្តែនិស្សិតនៃសាលាទាំងពីរបានបដិសេធថា ពួកគេពុំបានលេងល្បែងល្ងីល្ងឺបែបនេះឡើយ ៕ សូយន