ភ្នំពេញ៖ ពលរដ្ឋនៅខេត្តក្រចេះដែលស្លាប់ដោយសារពុលទឹក បានកើនដល់៨នាក់ (ស្រី៤នាក់) រងរបួសចំនួន១០០នាក់ទៀត (ស្រី៣៦នាក់) កំពុងសម្រាកព្យាបាលនៅមន្ទីរពេទ្យ។
លោក វ៉ា ថន អភិបាលខេត្តក្រចេះ បានប្រាប់ថា គិតត្រឹមល្ងាចខែឧសភា ឆ្នាំ ២០១៨ ជនរងគ្រោះចំនួន ៤នាក់ ត្រូវបានបញ្ជូនមកព្យាបាលនៅមន្ទីរពេទ្យកាល់ម៉ែត រាជធានីភ្នំពេញ ប៉ុន្តែជាអកុសលជនរងគ្រោះជានារីម្នាក់ បានស្លាប់ក្នុងពេលសម្រាកនៅមន្ទីរពេទ្យកាល់ម៉ែត។ គេមិនទាន់អាចកំណត់នូវមូលហេតុនាំឲ្យមានការពុលនេះនៅឡើយទេ តែមានការសង្ស័យថា ពលរដ្ឋរងគ្រោះបានផឹកទឹកអូរមានជាតិថ្នាំពុល។
ប្រជាពលរដ្ឋរងគ្រោះនៅក្នុងភូមិស្រែនន ឃុំកន្ទួត ស្រុកចិត្របុរី ដែលភាគច្រើនពួកគាត់បានផឹកទឹកអូរ លុះពេលមានភ្លៀង ថ្នាំពុលបាញ់ស្មៅ បានហូរចូលក្នុងទឹក ហើយប្រជាពលរដ្ឋដងទឹកយកទៅប្រើប្រាស់ និងផឹកផងដែរ ទើបបណ្តាលឲ្យពុលតែម្តង៕ ដោយ ៖ បញ្ញាស័ក្តិ