ប្រព័ន្ធព័ត៌មាននៅថ្ងៃទី ៦ ខែឧសភា ដែលដកស្រង់ប្រភពមិនបញ្ចេញឈ្មោះឲ្យដឹងថា អាមេរិក និងកូរ៉េខាងជើង បានជ្រើសរើសយកទីកន្លែងសម្រាប់ជំនួបកំពូលរវាងប្រទេសទាំងពីរ។
ប្រធានាធិបតីអាមេរិកដូណាល់ ត្រាំ ធ្លាប់បានលើកឡើងនូវគោលគំនិតជំនួបកំពូលប្រវត្តិសាស្ត្រជាមួយមេដឹកនាំកូរ៉េខាងជើងគីម នៅតំបន់គ្មានយោធា (DMZ) ដែលស្ថិតនៅព្រំដែនរវាងកូរ៉េទាំងពីរ ។ ប៉ុន្តែភាគីទាំងសងខាងបានជ្រើសរើសយកប្រទេសសិង្ហបុរីប្រព្រឹត្តទៅជំនួបប្រវត្តិសាស្ត្រនេះ ។
ពេលវេលារៀបចំសន្និសីទកំពូល ក៏នឹងត្រូវបានលើកដល់សប្តាហ៍ទី ៣ នៃខែមិថុនា ពុំមែនចុងខែឧសភា ដូចគម្រោងនេះទេ ព្រោះថា មូលហេតុមួយគឺអាស្រ័យដោយសន្និសីទកំពូល G7 នៅកាណាដា មានទាំងអាមេរិក និងជប៉ុនត្រូវចូលរួម ហើយបញ្ចប់នៅអំឡុងចុងខែឧសភា ។
ទោះយ៉ាងណា ការពិបាកស្មាននៃរបៀបធ្វើការរបស់ប្រធានាធិបតីត្រាំ បើតាម South China Morning Post ។
ប្រធានាធិបតីអាមេរិកកាលពីថ្ងៃ ៤ ឧសភា ពេលវេលានៃទីកន្លែងជំនួបកំពូលរវាងលោក និងលោកគីម ជុងអ៊ុន បានកំណត់រួចរាល់ហើយ ហើយសន្យាថា ព័ត៌មានលំអិតនឹងត្រូវប្រកាសនៅពេលក្រោយ ។
មុននោះក្រៅពីសិង្ហបុរី មជ្ឈដ្ឋានអ្នកវិភាគនៅបានព្យាករណ៍ថា ម៉ុងហ្គោលី ក៏ជាប្រទេសមួយស្ថិតក្នុងជម្រើសនៃការរៀបចំជំនួបរវាងលោកត្រាំ និងលោក គីម ដោយហេតុថា ប្រទេសនេះមាននយោបាយអព្យាក្រិត ហើយមេដឹកនាំកូរ៉េខាងជើងអាចធ្វើដំណើរដោយរថភ្លើង ៕ សូយន