តាម Kyodo នៅថ្ងៃទី ៦ ខែឧសភា ម្សិលមិញនេះ សកលវិទ្យាល័យ Aoyama Gakuin នៅរដ្ឋធានីតូក្យូ ឲ្យដឹងថា មានការគំរាមបន្ទុះគ្រាប់បែកមួយត្រូវបានសរសេរលើបណ្តាញសង្គម ជាហេតុធ្វើឲ្យសាលានេះត្រូវលុបចោលនៅថ្ងៃទី ៧ ខែឧសភា ។
សារគំរាមកំហែងត្រូវបានសកលវិទ្យាល័យនេះ រកឃើញនៅលើបណ្តាញសង្គមនាថ្ងៃ ៣ ខែឧសភា សរសេរថា គ្រាប់បែកមួយគ្រាប់ត្រូវបានដាក់បង្កប់នៅទីលានសកលវិទ្យាល័យ ប្រការនេះអាចបណ្តាលឲ្យមនុស្សជាច្រើនស្លាប់ ក្រោយការសម្រាក “សប្តាហ៍មាស” ។
តាមរបាយការណ៍បង្ហោះផ្សាយលើគេហទំព័រផ្លូវការរបស់សាលា Aoyama បានសម្រេចបិទទ្វារសាលាដើម្បីធានាសុវត្ថិភាព ព្រមជាមួយនោះសាលាក៏ព្រមសហការណ៍ជាមួយប៉ូលិសដើម្បីត្រួតពិនិត្យករណីនេះ ៕