ភ្នំពេញ៖ ស្នូរសំឡេងគ្រាប់បានផ្ទុះគគ្រើកធរណី បណ្តាលឲ្យប៉ើងត្រាក់ទ័រទើលើរបងនិងធ្វើឲ្យបុរសម្នាក់រងរបួសធ្ងន់ ខណៈដែលមានអាប៊ុលដូស៊ែមួយគ្រឿងកំពុងឈួសឆាយដី ប៉ះចំគ្រាប់ផ្ទុះ បណ្តាលឲ្យផ្ទុះប៉ើងទាំងមនុស្សនឹងត្រាក់ទ័រចេញពីកន្លែងកើតហេតុតែម្តង។
ហេតុការណ៍នេះបានបង្កើតឲ្យមានការភ្ញាក់ផ្អើលឡើង កាលពីព្រឹកថ្ងៃទី៦ ឧសភា នៅក្នុងដីឡូត៍មួយកន្លែងស្ថិតនៅក្បែរវត្តសុភាឃួន សង្កាត់ចោមចៅ៣ ខណ្ឌពោធិសែនជ័យ។
សាក្សីនិយាយថា នៅមុនពេលកើតហេតុមានបុរសម្នាក់កំពុងតែបើកអាប៊ុលកាយដីខាងលើ ក្នុងខណៈនោះក៏បានឭសំឡេងគ្រាប់ផ្ទះឡើង គគ្រើកធរណី និងបានធ្វើឲ្យត្រាក់ទ័រនិងមនុស្សបានប៉ើងឡើងទៅ ទើលើរបងនិងមនុស្សបានរងរបួសធ្ងន់ ហើយត្រូវបានយន្តសាមុយដឹកញ្ជូនទៅកាន់មន្ទីពេទ្យភ្លាមដែរ។
ក្រោយពេលកើតហេតុគេបានឃើញសមត្ថកិច្វនិងអាជ្ញាធរខណ្ឌពោធិសែនជ៏យ ចុះដល់ទីតាំងកើតហេតុភ្លាមដែរ៕ ដោយ៖បញ្ញាស័ក្តិ