ត្បូងឃ្មុំ ៖ មានប្រសាសន៍នៅក្នុងពិធីសំនេះសំណាលជាមួយ មន្ត្រីសុខាភិបាលខេត្តត្បូងឃ្មុំ និងគរុសិស្សភូមិភាគសុខា ភិបាលកំពង់ចាមនៅថ្ងៃទី៦ ខែឧសភា ឆ្នាំ២០១៨ លោកបណ្ឌិត ហ៊ុន ម៉ាណែត នាយរងសេនាធិការចម្រុះ និងជាមេបញ្ជាការរងកងទ័ពជើងគោក បានលើកឡើងថា ប្រទេសកម្ពុជា មានគ្រូពេទ្យជំនាញៗជាច្រើន ដែលអាចជួយសង្គ្រោះអាយុជីវិត ប្រជាពលរដ្ឋរាល់ថ្ងៃ ប៉ុន្តែអ្វីដែលយើងខ្វះគឺឧបករណ៍ ទំនើបៗស្របតាមការរីកចម្រើននៃបច្ចេកវិទ្យាថ្មីៗ ។ ទោះបីបែបនេះក្ តីគ្រូពេទ្យទាំងអស់បានយកចិត្តទុកដាក់ យ៉ាងខ្លាំងក្នុងការពិនិត្យ និងព្យាបាលជំងឺជូនប្រជាពលរដ្ឋ ។
ក្រៅពីការលើកឡើងបែបនេះ លោកបណ្ឌិត ក៏បានលើកឡើងដែរថា ទោះបីកន្លងមកមានក្រុមមនុស្សមួយចំនួន និយាយបង្ខូចកេរ្តិ៍ឈ្មោះគ្រូពេទ្យ ក៏ដូចជាប្រទេសកម្ពុជា ទាំងមូលយ៉ាងណា ក៏ដោយតែជាក់យើងបានធ្វើ និងបន្តធ្វើទទួលបានជោគជ័យ ជាបន្តបន្ទាប់ រហូតដល់បរទេសទទួលស្គាល់ និងកោត សរសើរ។
ក្នុងឱកាសនោះលោក ជាម ច័ន្ធសោភ័ណ ប្រធានគណៈចលនាអង្គការ សមាគម និងដៃគូអភិវឌ្ឍន៍មានប្រសាសន៍ថា លោកគ្រូ អ្នកគ្រូ ពេទ្យ និងមន្ត្រីគ្រប់ឋានានុក្រម នៃមន្ទីសុខាភិបាលបាន ចំណាយកម្លាំងកាយ កម្លាំងចិត្តប្រកបដោយមនសិកាវិជ្ជាជីវៈក្នុងការបម្រើសេវាជូនបងប្អូនប្រជាពលរដ្ឋ និងទទួលបាន សមាណចិត្តគាំទ្រពីប្រជាពលរដ្ឋ លើគោលនយោបាយរបស់ រាជរដ្ឋាភិបាលក្នុងវិស័យសុខាភិបាល ។
លោកបន្តថា ៣៩ឆ្នាំ កន្លងមកនេះ សមិទ្ធផលធំៗជាប្រវត្តិសាស្ត្រ បានកើតមាន លើទឹកដីនៃព្រះរាជាណាចក្រកម្ពុជា ក្នុងនោះការរក្សាបាននូវសុខសន្តិភាព ស្ថិរភាពនយោបាយ ដែលធានាដល់ការអភិវឌ្ឍដល់គ្រប់វិស័យ បានលើកកម្ពស់ជីវភាពប្រជាពលរដ្ឋគួឲ្យកត់សម្គាល់៕ ដោយ ៖ បញ្ញាស័ក្តិ