ថ្មីៗនេះ នារីជាបុគ្គលិកបំរើការងារនៅលើជើងហោះហើររបស់ក្រុមហ៊ុន Malindo Air ត្រូវបានចោរប្លន់យ៉ាងសាហាវ នៅក្នុងកន្លែងចតរថយន្ត ដែលបណ្តាលឲ្យដៃរបស់នាងគ្របដណ្តប់ដោយឈាមគួរឲ្យស្លុតរន្ធត់ ។ ហេតុការណ៍នេះត្រូវបានជឿថាបានកើតឡើងនៅ Terminal Bersepadu Selatan (TBS), ម៉ាឡេស៊ី ។
ផ្អែកលើរូបភាព នោះរថយន្ត Perodua Myvi ពណ៌ខ្មៅរបស់ស្ត្រីរងគ្រោះ គឺជាគោលដៅរបស់ជនល្មើស ដែលបានបុកទម្លុះតាមបង្អួចអ្នកដំណើរខាងក្រោយ ដើម្បីទាញយករបស់របស់មានតម្លៃរបស់ជនរងគ្រោះ ។ គេក៏ពុំដឹងច្បាស់ពីអំឡុងពេលនៃហេតុការណ៍នេះកើតឡើងទេ ប៉ុន្តែ កំភួនដៃរបស់ស្ត្រីរងគ្រោះ ត្រូវបានចាក់ឲ្យរបួសឈាមស្រោចពេញដៃតែម្តង ។
អ្នកលេងអ៊ីនធើរណេតជាច្រើន ពិតជាមានការរន្ធត់ចិត្ត និងអាណិតអាសូរជាខ្លាំង បន្ទាប់ពីបានដឹងពីហេតុការណ៍ដែលបានកើតឡើងចំពោះបុគ្គលិកស្រីម្នាក់នេះ ។
ទោះយ៉ាងណា អ្នកលេងម្នាក់បាននិយាយចំអកបញ្ឈឺចិត្ត ទៅលើស្ថានភាពឯកសណ្ឋានរបស់នាង ត្រូវបានដាច់រហែកដែលជាលទ្ធផលនៃអំពើប្លន់ ដោយបញ្ជាក់ថា ឯកសណ្ឋានរបស់នាងមិនសមរម្យទេ ហេតុនេះ នាងគួរតែគ្របបិទបាំងឲ្យជិតជុំផង ។ មានមតិយោបាលស្រដៀងគ្នានេះជាច្រើន ដែលអ្នកលេងបានចោទថា ថ្នេរចេសសំពត់របស់នាងបានដាច់ ដោយជំនួសឲ្យការស្តីបន្ទោសទៅលើបទល្មើស ។
ក្រៅពីនេះ អ្នកប្រើប្រាស់ Twitter ដទៃទៀត បានបោះពាក្យសម្តីលើជនរងគ្រោះ ដោយចោទសួរថា តើជនល្មើសឆក់ប្លន់កន្សែងគ្របក្បាលរបស់នាងមែនទេ! នាងគួរតែពាក់វា តើធ្ងន់ធ្ងរមែនទេ? ។
អ្នកលេងម្នាក់សូម្បីខមិនលើកឡើងអំពីលក្ខណៈដែលស្ត្រីរងគ្រោះឈរនៅក្នុងរូបភាពនេះដែរ ព្រោះជើងម្ខាងរបស់នាងបានបញ្ចេញស្ទើរឃើញគល់ភ្លៅ ៕ ចន្ទី
ចុះប្រិយមិត្តវិញ យល់ឃើញយ៉ាងណាដែរ?