រាល់ការលេងប៉ាហ៊ីលក់ថ្នាំឱសថបុរាណ នោះអ្នកសម្តែងតែងលើកម្រាមដៃ១០ ក្រាបឱនលំទោន ចំពោះអ៊ុំៗ ឬគ្រូៗដែលជាអ្នកចេះមន្តអាគមខ្លាំងពូកែស្រាយមាត់ពស់ ធ្វើឲ្យពស់កាច… សូមកុំធ្វើបាបគាត់អី តើនេះជាការពិត ឬ យ៉ាងណា? ។ ប៉ុន្តែ វីដេអូចែករំលែកមួយថ្មីៗនេះ បានធ្វើឲ្យមហាជនមានភ្ញាក់ផ្អើល និងពុំនឹកស្មានទាល់តែសោះ ខណៈដែលឃើញគ្រូប៉ាហ៊ីម្នាក់បានភ្លាត់ស្នៀតត្រូវពស់ចឹក ដែលជាហេតុធ្វើឲ្យគាត់ត្រូវបញ្ឈប់សកម្មភាពសម្តែងត្រឹមពាក់កណ្តាលទី និងប្រញាប់ប្រញាល់រកម៉ូតូឌុបដឹកគាត់ ដើម្បីស្វែងរកជំនួយពីគ្រូពេទ្យភ្លាមៗតែម្តង ។
តាមរយៈការខមមិនក្នុងវីដេអូនេះផងដែរ មានអ្នកលេងហ្វេសបុកអះអាងថា ប៉ាហ៊ីនេះបានលេងនៅក្នុងស្រុកកងមាស ខេត្តកំពង់ចាម តាំងពីឆ្នាំ២០១៧ មកម្លេះ ។ ហើយបុរសដែលត្រូវពស់សម្តែងរបស់ខ្លួនចឹកឲ្យរងរបួសនោះ បានស្លាប់បាត់បង់ជីវិតហើយ ខណៈអ្នកចេះថា គាត់ត្រូវបានអ្នកមានមន្តវិជ្ជាការចង់កាច់ ឬធ្វើបាបគាត់តែម្តង ។
ទោះជាយ៉ាងណា នេះជាវីដេអូមេរៀនមួយ ដាស់តឿនដល់កុមារតូចៗ នៅតាមជនបទស្រុកស្រែ ឬ អាណាព្យាបាលទាំងអស់បានដឹង អំពីហេតុការណ៍ដ៏កម្រនេះ ។ ព្រោះឃើញក្នុងវីដេអូនេះជាគំរូស្រាប់ ដែលដំរីជើង៤គង់មានភ្លាត់ ចុះទម្រាំសត្វសិរពិស តើយើងនឹងអាចមើលអីដឹងថាវាអស់ពិស ឬ ចៃដន្យនៅតែមានទៅ!!? ៕ ចន្ទី
