Li Lijuan ជាសេដ្ឋី និងជាស្ត្រីមានជំងឺមហារីកប្រចាំកាយ ដែលបានទទួលចិញ្ចឹមកុមារកំព្រាចំនួន ១១៨ នាក់ ថ្មីៗនេះ ត្រូវបានចាប់ខ្លួនពីបទចោទប្រកាន់ថាបានគំរាមហែកកេរ្តិ៍ និងរំខានសណ្តាប់ធ្នាប់សង្គម ។
យោងតាមកាសែត South China Morning Post បានឲ្យដឹងថា ស្ត្រីអាយុ ៤៨ ឆ្នាំ ដែលធ្វើអាជីវកម្មអណ្តូងរ៉ែដែក និងក្លាយជាអ្នកមានបំផុតនៅក្នុងខេត្តទីក្រុង Wuan ខេត្ត Hubei ត្រូវបានចាប់ខ្លួនកាលពីថ្ងៃសៅរ៍ នៅក្នុងទីក្រុងប៉េកាំង ទីកន្លែងដែលនាងកំពុងទទួលការព្យាបាលមហារីក ។
កាសែតខាងលើបានរាយការណ៍ថា Li ត្រូវបានចោទប្រកាន់រំខានសណ្តាប់ធ្នាប់សង្គម, ជំរិតទារប្រាក់ និងបទល្មើសខុសច្បាប់ដទៃទៀត ។ អាជ្ញាធរក៏បានបង្កកគណនីធនាគាររបស់នាង ដែលបានផ្ទុកជាង ២០ លានយ័ន (៣១៤៣១០០ ដុល្លារ) និងជាង ២ ម៉ឺនដុល្លារ ។
នាងបានទទួលចំនួនបរិច្ចាគដ៏ធំ កាលពី២១ឆ្នាំមុន ដែលត្រូវបានប្រើជាមូលនិធិដ៏សំខាន់ សម្រាប់អគារសុខាភិបាលរបស់នាង ។
Li ត្រូវបានគេរាយការណ៍ថា បានគំរាមទារប្រាក់ចំនួន ៧០ ពាន់យ័ន (១០,៩៩៧ ដុល្លារ) ពីក្រុមហ៊ុនដែលមានបំណងបញ្ជូនខ្សែកាបិ៍អុបទិក កាត់ពីលើអគារសុខាភិបាលរបស់នាង ។ ហើយនាងក៏បានដាស់តឿនសណ្ឋាគារមួយ និងមន្ទីរពេទ្យមួយ ក្នុងទឹកប្រាក់ជិត ៣០០ ពាន់យ័ន ទៀតផងដែរ ។
កូនស្រីរបស់នាងឈ្មោះ Li Dan បានការពារនាងដោយនិយាយថា រាល់ការចោទប្រកាន់នេះគឺគួរឲ្យអស់សំណើច ។ នាងបានពន្យល់ថា លុយនៅក្នុងគណនីម្តាយរបស់នាង ត្រូវបានផ្តល់ឲ្យដោយរដ្ឋាភិបាល ជាសំណងនៅពេលពួកគេបានកាន់កាប់ប្រតិបត្តិការអាជីវកម្មរ៉ែដែករបស់នាង ។
លើសពីនេះ មណ្ឌលកុមារកំព្រា Love Village របស់សេដ្ឋីនីរូបនេះ ក៏ត្រូវបានបិទដោយប៉ូលីស Wuan ។ ចំណែកកុមារទាំងអស់ ៧៤ នាក់ រស់នៅក្នុងមណ្ឌលនោះ ត្រូវបានបញ្ជូនទៅកាន់មន្ទីរពេទ្យ ដើម្បីត្រួតពិនិត្យ និងព្យាបាល ៕ ចន្ទី