ក្នុងសេចក្តីថ្លែងការណ៍ថ្ងៃទី៨ ខែឧសភា (ព្រឹកព្រលឹមថ្ងៃទី ៩ ខែឧសភា ម៉ោងនៅកម្ពុជា) ប្រធានាធិបតីអាមេរិកដូណាល់ ត្រាំ បានប្រកាសដកខ្លួនចេញផុតពីកិច្ចព្រមព្រៀងនុយក្លេអ៊ែរ ត្រូវបានចុះហត្ថលេខារវាងអ៊ីរ៉ង់ និងមហារអំណាច ៦ គឺអង់គ្លេស បារាំង អាមេរិក ចិន រុស្ស៊ី និងអាល្លឺម៉ង់ កាលពីឆ្នាំ ២០១៥ ដែលមានអក្សរកាត់ហៅថា JCPOA ។
ប្រធានាធិបតីអាមេរិកដូណាល់ ត្រាំ ថ្លែងនៅសេតវិមានពីការសម្រេចចិត្តរបស់អាមេរិកដកខ្លួនចេញពី JCPOA នៅថ្ងៃទី ៨ ខែឧសភា ។
លោកត្រាំ សង្កត់ធ្ងន់ថា ៖ “ខ្ញុំនឹងចុះហត្ថលេខាលើកំណត់ចងចាំរបស់ប្រធានាធិបតីសម្រាប់ការចាប់ផ្តើមស្តារឡើងវិញ នូវវិធានការដាក់ទណ្ឌកម្មទាំងឡាយរបស់អាមេរិកកន្លងមក ដែលទាក់ទងដល់បញ្ហានុយក្លេអ៊ែររបស់រដ្ឋការអ៊ីរ៉ង់។ យើងនឹងចាប់ផ្តើមដាក់គំនាបខ្ពស់បំផុតសម្រាប់ការដាក់ទណ្ឌកម្មទាំងនោះ” ។
លោកបន្តថា កិច្ចព្រមព្រៀងនេះ មានចំណុចខ្វះខាតនៅក្នុងខ្លឹមសាររបស់វា ហើយថាការគំរាមនេះពុំមែនជារឿង “និយាយលេង” ឡើយ។
តាំងពីមុនឡើងកាន់អំណាចម្លេះ ប្រធានាធិបតីត្រាំ ធ្លាប់បានហៅជាច្រើនលើកថា កិច្ចព្រមព្រៀងនេះគឺជាឯកសារ “គ្រោះថ្នាក់” ព្រោះវាពុំបានរាំងស្កាត់ដោយបានត្រឹមតែពន្យារពន្យឺតសមត្ថភាពផលិតនុយក្លេអ៊ែររបស់អ៊ីរ៉ង់ប៉ុណ្ណោះ ៕ សូយន