តំណាងជាន់ខ្ពស់សហគមន៍អឺរ៉ុប ទទួលបន្ទុកសន្តិសុខនិងការបរទេស Federica Mogherini នៅថ្ងៃទី ៨ ខែមេសា (ម៉ោងនៅតំបន់) តំណាងជាន់ខ្ពស់របស់EU បានលើកឡើងថា កិច្ចព្រមព្រៀងនុយក្លេអ៊ែអ៊ីរ៉ង់ដែលចុះហត្ថលេខាកាលពីឆ្នាំ ២០១៥ ឬនៅហៅបានថា ផែនការសកម្មភាពរួមទាំងស្រុង (JCPOA) សំដៅធានាថា អ៊ីរ៉ង់មិនអភិវឌ្ឍន៍អាវុធនុយក្លេអ៊ែរ ហើយអំពាវនាវឲ្យពលរដ្ឋអ៊ីរ៉ង់ និងមេដឹកនាំប្រទេសនេះគោរពកិច្ចព្រមព្រៀង ទោះបីជាអាមេរិកដកខ្លួនចេញក៏ដោយ ។
ទន្ទឹមនោះតំណាងជាន់ខ្ពស់ EU ក៏សម្តែងពីកង្វល់យ៉ាងខ្លាំងចំពោះការសម្រេចចិត្តរបស់ប្រធានាធិបតីអាមេរិកថា នឹងដាក់ទណ្ឌកម្មថ្មីចំពោះអ៊ីរ៉ង់ ថ្វីត្បិតមុននេះ បារាំង អង់គ្លេស អាល្លឺម៉ង់ បានធ្វើយុទ្ធនាការមួយបញ្ចុះបញ្ចូលឲ្យអាមេរិកបន្តកិច្ចព្រមព្រៀងនេះក្តី ប៉ុន្តែត្រូវរងបរាជ័យ។
ចំណែកអគ្គលេខាអង្គការសហប្រជាជាតិ Angonio Cuterres នៅថ្ងៃទី ៨ ខែឧសភា បានជំរុញប្រទេសដែលជាហត្ថលេខី នៃកិច្ចព្រមព្រៀងនុយក្លេអ៊ែរអ៊ីរ៉ង់ ឲ្យគោរព និងអនុវត្តតាមការសន្យារបស់ខ្លួន ក្រោយពេលប្រធានាធិបតីអាមេរិកប្រកាសថា ប្រទេសនេះនឹងដកខ្លួនចេញផុតពីកិច្ចព្រមព្រៀង ៕ សូយន