សត្វក្អែក១ក្បាលនៅក្នុងប្រទេសជប៉ុន កំពុងល្បីខ្លាំងនៅលើអ៊ីនធើរណេត បន្ទាប់ពីបានប្រើប្រាស់បញ្ញាដ៏ឆ្លាតរបស់វា ដោយលួចយកប័ណ្ណឥណទានរបស់អ្នកដំណើរ ហើយប្រើវាដើម្បីទិញសំបុត្ររថភ្លើង ។
អាខោន Twitter ឈ្មោះ kinoshi42155049 បានចែករំលែកវីដេអូខ្លីនេះនៅលើបណ្តាញសង្គម ដោយបានបង្ហាញសត្វក្អែក១ក្បាល ព្យាយាមរុករកវិធី ដើម្បីទិញសំបុត្ររថភ្លើងដោយផ្ទាល់ខ្លួនរបស់វា ។
ទោះយ៉ាងណា សត្វក្អែកនេះហាក់ពុំដឹងពីវិធីដែលម៉ាស៊ីនសំបុត្រដំណើរការនោះទេ ។ សំណាងហើយ ដែលកាតនោះពុំមានទឹកលុយ ខណៈវារកឃើញថា ម៉ាស៊ីនត្រូវការលុយដើម្បីវាដំណើរការ ។
នៅពេលដែលសត្វក្អែកនេះ មិនដឹងពីរបៀបយកលុយ វាបានធ្វើរឿងបន្តបន្ទាប់ទៀត ដោយលួចកាតពីអ្នកដំណើរដទៃ ។
ស្ត្រីដែលវាលួចកាត បានព្យាយាមធ្វើទំនាក់ទំនងជាមួយសត្វនេះ ដោយស្នើវាឈប់ ខណៈវាហើរទៅកាន់ម៉ាស៊ីនជាមួយកាតរបស់នាងនៅជាប់នឹងជំពុះរបស់វា ។
Grapee បានរាយការណ៍ថា សត្វដ៏ឆ្លាតវៃនេះបានព្យាយាមធ្វើតាមមនុស្ស ដោយព្យាយាមដាក់កាតចូលក្នុងម៉ាស៊ីន ។
ដោយយល់ឃើញថា វាត្រូវបានយកឈ្នះដោយម៉ាស៊ីន ភ្លាមៗនោះ ក្អែកនេះក៏បានសម្រេចចិត្តប្រគល់កាតនោះទៅឲ្យម្ចាស់ដើមវិញ។ ហើយស្ត្រីនោះបន្ទាប់មកក៏បានអរគុណសត្វដ៏គួរឲ្យស្រលាញ់នេះយ៉ាងខ្លាំង ៕ ចន្ទី
「窓 カラス」
カードを使って電車?に乗ろうとしたカラス?
連休かみさんが、東京で遭遇した出来事でした。笑 pic.twitter.com/Y2yDtOTae9— kinoshita shoji (@kinoshi42155049) May 1, 2018
