នេះជាឧបទ្ទវហេតុដ៏គួរឲ្យខ្លាចណាស់! មនុស្សយើងជាច្រើន តែងមានទម្លាប់សាកថ្មទូរស័ព្ទ នៅពេលយើងកំពុងគេង ប៉ុន្តែ សូមចង់ចាំរក្សាទូរស័ព្ទរបស់អ្នកនៅឆ្ងាយពីខ្លួន ប្រសិនអ្នកចង់ធ្វើដូច្នេះ ។
យោងតាម Eastday បានចុះផ្សាយថា ស្ត្រីម្នាក់មកពី Chengdu ប្រទេសចិន មានឈ្មោះថា Luo បានទិញទូរស័ព្ទ iPhone 8 Pus 64 GB កាលពីថ្ងៃទី២៧ ខែកុម្ភៈ ឆ្នាំ២០១៨ ពីអ្នកលក់រាយតាមអនឡាញមួយ ហើយនាងរីករាយក្នុងការប្រើរបស់ជាទីស្រលាញ់នេះណាស់ ។
ទោះយ៉ាងណា នាងមានបញ្ហាមួយចំនួនជាមួយទូរស័ព្ទថ្មីរបស់នាង នៅពេលនាងចាប់ផ្តើមប្រើវាដំបូង ខណៈនាងរកឃើញថា ឧបករណ៍នេះនឹងទទួលកម្តៅគួរឲ្យកត់សម្គាល់ នៅពេលវាសាកថ្ម ។ នាងបានឆែកមើលព័ត៌មានលើអ៊ីនធើរណេត និងរកឃើញថា ករណីនេះជាបញ្ហាធម្មតាប៉ុណ្ណោះ ដែលអ្នកប្រើប្រាស់ដទៃជាច្រើនទៀត បានជួបប្រទះយ៉ាងដូច្នេះដែរ ហេតុនោះ នាងក៏ពុំគិតពីរឿងនេះទៀតទេ ។
នៅថ្ងៃទី២៣ ខែមីនា ដោយការប្រើទូរស័ព្ទនេះពុំដល់មួយខែផង Luo បានចូលទៅគេងនៅវេលាម៉ោង ៥ ព្រឹក ហើយបានសម្រេចចិត្តសាកថ្មទូរស័ព្ទនៅជាប់នឹងគ្រែគេងរបស់នាង មុនពេលនាងគេង ។
នៅវេលាម៉ោងប្រហែល ១២ ថ្ងៃត្រង់ ឆ្មារបស់នាងបានភ្ញាក់ពីដេក ហើយនៅពេលនោះ នាងបានសម្លឹងមើលទូរស័ព្ទដែលសាករបស់នាង, ភ្លាមៗនោះ នាងពិតជាភ្ញាក់ផ្អើលជាខ្លាំង ខណៈរកឃើញថា ទូរស័ព្ទនោះកំពុងបញ្ចេញផ្សែង! ហើយនាងក៏បានប្រញាប់ដកឌុយសាកយ៉ាងលឿន និងបិទទូរស័ព្ទ ប៉ុន្តែ បានកត់សម្គាល់ថា ទូរស័ព្ទនេះបានធ្វើឲ្យខ្លោចពូកដ៏មួយដុំធំរួចទៅហើយ ។ បន្ទាប់មក Lou បានពិនិត្យមើលការខូចខាតបន្ថែម និងរកឃើញថា Port (រន្ធ) សាកថ្មនៅលើ iPhone 8 Plus, ខ្សែឌុយ និងពូករបស់នាងត្រូវបានបំផ្លាញទាំងស្រុង ។
បំណះឆេះនៅលើគ្រែរបស់នាង មានទំហំបណ្តោយ ៤០ សង់ទីម៉ែត្រ និងទទឹង ២០ សង់ទីម៉ែត្រ ។ ខណៈទូរស័ព្ទរបស់នាងពុំអាចបើកបានទៀត នាងក៏បានសម្រេចចិត្តដាក់ពាក្យបណ្តឹងទៅសាខាសេវាកម្មអតិថិជនរបស់ក្រុមហ៊ុន Apple នៅថ្ងៃនោះ ។
នាងបាននិយាយថា៖ «ខ្ញុំស្នើឲ្យពួកគេជួយពន្យល់ពីប្រភពនៃប្រភេទកម្តៅនោះ? ហើយបុគ្គលិកនៅទីនោះបានឆ្លើយយ៉ាងស្ទាក់ស្ទើរថា វាអាចបង្កឡើងដោយអាកាសធាតុក្តៅ ឬ តុក្តៅ ។ ខ្ញុំមិនជក់បារី ឬ ប្រើភួយអេឡិចត្រូនិចអ្វី ដាក់នៅក្បែរទូរស័ព្ទទេ ប៉ុន្តែ ពួកគេបានសន្និដ្ឋានថា នេះមិនមែនជាកំហុសរបស់ពួកគេទេ ហើយបានបដិសេធមិនសងសំណងដល់ខ្ញុំវិញទេ» ។
Lou បន្ថែមថា នាងមិនអាចទទួលយកនូវការពន្យល់នេះបានទេ ហើយនិយាយថា នាងគ្រាន់តែចង់ប្តូរជំនួស iPhone ថ្មី និងសំណងសម្រាប់ការឆេះខ្លោចពូករបស់នាងប៉ុណ្ណោះ ។ នៅថ្ងៃទី៣ ឧសភា នាងបានទទួលការខលពីបុគ្គលិក Apple ដែលនិយាយថា គាត់កំពុងដោះស្រាយករណីនេះ ។ គាត់បានប្រាប់នាងថា ពួកគេនឹងផ្ញើឧបករណ៍នេះ និងខ្សែសាក ទៅកាន់សហរដ្ឋអាមេរិក ដើម្បីធ្វើតេស្តផ្សេងពីនេះ ប៉ុន្តែ Luo និយយាថា នាងពុំជឿថាក្រុមហ៊ុន Apple នឹងទទួលខុសត្រូវចំពោះបញ្ហានេះឡើយ ៕ ចន្ទី
