ខេត្តមណ្ឌលគិរី ៖ ករណីសង្ស័យពុលទឹក បានរាលដាលដល់ខេត្តមណ្ឌលគិរីហើយ នេះបើតាមការអោយដឹងពីស្នងការខេត្តមណ្ឌលគិរី នៅល្ងាចថ្ងៃទី៩ ខែឧសភា ឆ្នាំ២០១៨នេះ។ ករណីនេះ បានកើតនៅ ភូមិ ព្រះ ឃុំស្រែឈូក ស្រុកកែវសីមា ខេត្តមណ្ឌលគិរី ដែលមានប្រជាពលរដ្ឋចំនួនសរុប ១៤នាក់ កំពុងមានអាការៈក្អួតចង្អោរ ដែលអាជ្ញាធរកំពុងដុតដៃដុតជើងយកទៅសង្គ្រោះនៅឯមន្ទីរពេទ្យ។
ស្នងការខេត្តមណ្ឌលគិរី លោក ឡោ សុខា ឲ្យដឹងថា ក្នុងចំណោមជនរងគ្រោះទាំង ១៤នាក់ មានស្រីចំនួន ៦នាក់ បានពុល ក្អួតចង្អោរ មានឈ្មោះដូចខាងក្រោម ៖
1-ឈ្មោះ ឈុន ម៉ៅ ភេទប្រុស
2-ឈ្មោះ សុន រា ភេទប្រុស
3-ឈ្មោះ ធីន ធូ ភេទស្រី
4-ឈ្មោះ នីម ទុំ
5-ឈ្មោះ ទុំ ជី ភេទប្រុស
6-ឈ្មោះ ពឿន ភឿន ភេទស្រី
7-ឈ្មោះ ទុំ លី ភេទប្រុស
8-ឈ្មោះ ពឿន ភ្យក់ ភេទស្រី
9-ឈ្មោះ ឡែន និត ភេទប្រុស
10-ឈ្មោះ ម៉ៅ វី ភេទស្រី
11-ឈ្មោះ ម៉ៅ រដ្ឋា ភេទប្រុស
12-ឈ្មោះ មុង មុំ ភេទស្រី
13-ឈ្មោះ មុង ខុម ភេទស្រី
14-ឈ្មោះ ព្រឿន ភេទប្រុស
ប្រជាពលរដ្ឋទាំង 14នាក់ខាងលើ ពុំមានគ្រោះថ្នាក់ដល់ជីវិតនោះទេ ដោយមានការជួយសង្គ្រោះបន្ទាន់ពីសមត្ថកិច្ចបានទាន់ពេលវេលា ប្រជាពលរដ្ឋចំនួន ៦នាក់ មានអាការៈធូរស្បើយ ហើយ អាចត្រលប់ទៅគេហដ្ឋានវិញ និងនៅសល់ ៨នាក់ទៀតកំពុងសង្គ្រោះបន្ទាន់៕ ដោយ៖ សមុទ្រឈើ