ភ្នំពេញ៖ ឃ្លាំងលក់រថយន្ត និងគ្រឿងបន្លាស់រថយន្តត្រូវបានវាយប្រហារដោយអគ្គិភ័យ យ៉ាងសន្ធោសន្ធៅ បើទោះបីមានការអន្តរាគមបាញ់ ពន្លត់ពីសំណាក់សមត្ថកិច្ចពន្លត់អគ្គីភ័យ និងប្រើប្រាស់ទឹកអស់ជាច្រើនគ្រឿងយ៉ាងណាក្តី។
ហេតុការអាក្រក់នេះបានកើតឡើងកាលពីវេលាម៉ោង៣និង៤៥នាទីទៀបភ្លឺឆ្លងចូលថ្ងៃទី១០ ខែឧសភា ឆ្នាំ២០១៨ នៅឃ្លាំងលក់រថយន្ត និងឃ្លាំងលក់គ្រឿងបន្លាស់រថយន្ត នៅតាមបណ្តោយផ្លូវ២១៩ ម្តុំខាងក្រោយម៉ុងឌីយ៉ាល់ សង្កាត់ផ្សារដើមគរ ក្នុងខណ្ឌទួលគោក ហើយគ្រោះអាក្រក់នេះក៏បានវាយប្រហារដល់ផ្ទះប្រជាពលរដ្ឋផងដែ។
រហូតមកដល់ម៉ោងជិត៦និង០០ថ្ងៃដដែលនេះ ករណីអគ្គីភ័យខាងលើហាក់មានការអន់ថយ ក្រោយពីមានការអន្តរាគមបាញ់ ពន្លត់ពីសំណាក់សមត្ថកិច្ចពន្លត់អគ្គីភ័យ និងប្រើប្រាស់ទឹកអស់ជាច្រើនគ្រឿង។ប៉ុន្តែទំហំនៃការខូចខាតយ៉ាងណានោះសមត្ថកិច្ចមិនទាន់វាយតំលៃបាននូវឡើយទេ ហើយចំពោះមូលហេតុនៃការឆាបឆេះនេះក៏មិនទាន់ដឹងនូវឡើយដែរ៕ ដោយ៖បញ្ញាស័ក្តិ
