ខេត្តកណ្តាល ៖ ទំនិញអត់ច្បាប់នាំចូលតាមទូកពីប្រទេសវៀតណាមមកលក់នៅកម្ពុជាចំនួន១០តោនដែលជាប្រភេទថ្នាំជីជំនួយគ្មានការចុះបញ្ជីយាមការនិងគ្មានច្បាប់អនុញ្ញាតពីក្រសួងកសិកម្ម ត្រឹមត្រូវ ត្រូវបាននគបាលខេត្តកណ្តាលសហការជាមួយនាយកដ្ឋាននគបាលប្រឆាំងបទល្មើសសេដ្ឋកិច្ចនៃក្រសួងមហាផ្ទៃបានបើកកិច្ចប្រតិបត្តិការស្រាវជ្រាវស៊ើបអង្កេតឈានទៅការបង្គ្រាបជាក់ស្តែង។
លោក ឡុង ស្រេង អនុប្រធាននាយកដ្ឋាននគបាលប្រឆាំងបទល្មើសសេដ្ឋកិច្ចក្រសួងមហាផ្ទៃ បានអោយដឹងថា ការបង្ក្រាបថ្នាំប្រភេទជីជំនួយទៅលើបន្លែមាន១៣ប្រភេទដោយមានសេចក្តីរាយការណ៍ពីប្រជាពលរដ្ឋដែលទំនិញគិចពន្ធដឹកតាមទូកក្នុងដងទន្លេបាសាក់ចេញពីប្រទេសវៀតណាមមកកម្ពុជា លុះមកដល់ចំណុចវត្តពោធិ៍រាម្មាស្ថិតព្រែកព្រះធាតឃុំព្រែកស្តី ស្រុកកោះធំខេត្តកណ្តាលត្រូវកម្លាំងចម្រុះមកឆែកឆេរនិងឃាត់ខ្លួនម្នាស់អាជីវកម្មចំនួន៣នាក់ដើម្បីសាកសួរ។
លោកបន្តថាដោយមានការសម្របស្រួលពីព្រះអាជ្ញាអមសាលាដំបូងខេត្តកណ្តាលសមត្ថកិច្ចនគបាលប្រឆាំងបទល្មើសសេដ្ឋកិច្ចបានប្រគល់ទំនិញទាំងពីរទូកនេះដោយមានម្នាស់ចូលរួមមកបង្ហាញខ្លួនចំនួន៣នាក់ទី១មានឈ្មោះ ងន ទ្រី ភេទប្រុសអាយុ៤៣ឆ្នាំទី២ លោកហ៊ ម៉េងស៊ាង ភេទប្រុសអាយុ៥០ឆ្នាំនិងទី៣ លោក តូ នី ភេទប្រុសអាយុ៣៧ឆ្នាំដោយពុំមានឯកសារតាមផ្លូវច្បាប់អ្វីឡើយ ។
លោកបានប្រាប់បន្តដឹងទៀតថា បន្ទាប់ពីសមត្ថកិច្ចបានឃាត់ទំនិញទាំងនោះ រួចរាល់ បានអោយម្ចាស់ទាំង៣នាក់ មកសាកសួរបំភ្លឺនៅស្នងការខេត្តកណ្តាលតាមបញ្ជាពីព្រះរាជ្ញាសាលាដំបូងខេត្តកណ្តាល និង ដើម្បីរឹបអូសវត្ថុតាំងថ្នាំជំនួយដាំដុះលើបន្លែយកទៅមកពិនិត្យចាត់ចែងប្រគល់អោយជំនាញមន្ទីរកសិកម្មខេត្តបន្តនីតិវិធីផងដែរ។
លោក ឡេង ស្រេង អនុប្រធាននាយកដ្ឋាននីតិកម្មនៃក្រសួងកសិកម្មរុក្ខាប្រមាញនិងនេសាទបានអោយដឹងថា ទាក់ទងទៅនឹងផលលិតផលថ្នាំប្រភេទជីពុលនេះគឺមិនមែនជាប្រភេទហាមឃាតនោះទេក៏ប៉ុន្តែជាថ្នាំមានលក្ខណៈនាំចូលដោយខុសច្បាប់ ដោយមិនមានការចុះបញ្ជីការពីក្រសួងកសិកម្មអោយបានត្រឹមត្រូវ។
លោកថា ជាធម្មតាបើសិនក្នុងករណីដោះស្រាយបញ្ហាស្ថិតដល់ព្រះរាជ្ញាតុលាការបានសម្រេចនៅលើសម្ភារះទៅលើក្រសួង ក្រសួងនឹងចាត់ចែងប្រើប្រាសសម្ភារះនេះទៅតាមកសិដ្ឋានឬក៏ប្រជាពលរដ្ឋដែលប្រើប្រាសតាមស្តង់ដារបច្ចេកទេសដែលក្រសួងបានណែនាំ៕ ដោយ ៖ បញ្ញាស័ក្តិ