បុរសម្នាក់អាយុ ៦៣ ឆ្នាំ រស់នៅក្នុងខេត្ត Trat នៃប្រទេសថៃ បានសារភាពថាបានវាយស្ត្រីណាត់ជួបរបស់ខ្លួនរហូតស្លាប់ ព្រោះតែគាត់មានការខកចិត្តជាខ្លាំង ដោយនាងបានទាមទារថ្លៃសេវាផ្លូវភេទចំនួន ៥០០ បាត (១៥ ដុល្លារ) បើទោះបីគាត់ពុំអាចសម្រេចតម្រកតណ្ហាក៏ដោយ ។
យោងតាម Cocunut បានចុះផ្សាយឲ្យដឹងថា Saktawee Tiwalak ដែលប្រកបមុខរបរជាអ្នករើសអេតចាយដើម្បីចិញ្ចឹមជីវិត ត្រូវបានចោទប្រកាន់ពីបទមនុស្សឃាត បន្ទាប់ពីបានធ្វើសកម្មភាពសម្លាប់ស្ត្រីណាត់ជួបអាយុ ៥០ ឆ្នាំ ដែលគ្រាន់តែត្រូវបានបញ្ជាក់ឈ្មោះ Chit ។
សាកសពរបស់នាងត្រូវបានរកឃើញនៅក្នុងឧស្យានមួយកន្លែង ចម្ងាយប្រហែល ១០០ ម៉ែត្រ ពីបន្ទាប់ជួលរបស់គាត់ ។ ដោយសាកសពរបស់នាង មានស្នាមជាំយ៉ាងដំណំនៅលើផ្ទៃ ។
យោងតាមអ្នកស្គាល់របស់ពួកគេ នោះស្ត្រីរងគ្រោះដែលជាអ្នកលក់ន័ប៉័ង គឺក្លើផឹកស្រាជាប្រចាំរបស់ Saktawee ។
ដំបូងឡើយ Saktawee បានបដិសេធពាក់ព័ន្ធនឹងការស្លាប់របស់ស្ត្រីរងគ្រោះទេ ប៉ុន្តែ បន្ទាប់មក បានសារភាពថា គាត់បានអញ្ជើញនាងទៅកាន់បន្ទប់ជួលរបស់គាត់នៅយប់ថ្ងៃអាទិត្យ ដើម្បីរួមភេទ ។
ប៉ុន្តែ ក្នុងអំឡុងពេលរួមភេទ បើទោះបីខំព្យាយាមយ៉ាងណា ក៏ប្រដាប់ភេទរបស់គាត់ពុំឡើងរឹងនោះទេ ។ Saktawee ដែលមានការខកចិត្ត បានខឹងសម្បារយ៉ាងខ្លាំង បន្ទាប់ពីមានជម្លោះមួយបានផ្ទុះឡើង ដោយសារតែ Chit បានស្នើគាត់ឲ្យបង់លុយ បើទោះបីពួកគេសូម្បី ពុំបានរួមភេទនឹងគ្នា, នេះបើយោងតាម Workpoint ។
អ្នកស្រុកនៅក្នុងតំបន់បាននិយាយថា Saktawee ត្រូវបានដឹងថា មានអត្តចរិកឆេវឆាយពុំស្គាល់ខុសត្រូវទេ នៅពេលគាត់ស្រវឹងម្តងៗ ។
នេះអាចពុំមែនជាលើកទី១ទេដែល Saktawee បានសម្លាប់មនុស្ស ។ ប៉ូលីសនិយាយថា គាត់ត្រូវបានចាប់ខ្លួនម្តងពីបទប្រើអំពើហិង្សាលើមិត្តរបស់គាត់រហូតស្លាប់ ខណៈពួកគេកំពុងផឹកស៊ីជាមួយគ្នា ប៉ុន្តែ Saktawee ពុំត្រូវបានផ្តន្ទាទោសទេ ដោយសារខ្វះភស្តុតាង ។
ទោះយ៉ាងណា នៅក្នុងករណីនេះ Saktawee នឹងត្រូវប្រឈមមុខជាប់ពន្ធនាគារពី ៣ ទៅ ២០ ឆ្នាំ ៕ ចន្ទី