គេសង្កេតឃើញថា តារាចម្រៀងដ៏ល្បីល្បាញ ខេមរៈ សិរីមន្ត តែងតែចូលចិត្តបង្ហាញសាច់ដុំរបស់ខ្លួន នៅលើឆាកតន្ត្រីនានា ដែលធ្វើឱ្យអ្នកគាំទ្រហ៊ោចញ្ច្រៀវ និងពេញចិត្តយ៉ាងខ្លាំង ។
មានអ្នកគាំទ្រមួយចំនួនបានលើកឡងថា បើប្រៀបធៀបរាងកាយលោក ខេមរៈ សិរីមន្ត នាពេលបច្ចុប្បន្ន និង កាលពីជាង ១០ឆ្នាំមុន គឺហាក់ដូចជាខុសគ្នាដូចមេឃ និងដី ខណៈដែលបច្ចុប្បន្នលោកមានមាឌមាំ សាច់ដុំធំ ហើយកាលពីជាង ១០ឆ្នាំមុន លោកមានមាឌតូចល្អិត មានតែស្បេកដណ្ដប់ឆ្អឹង ។
ទាក់ទងជាមួយគ្នានេះ លោក ខេមរៈ សិរីមន្ត បានបង្ហាញសកម្មភាពហាត់ប្រាណរបស់លោកឱ្យអ្នកគាំទ្របានឃើញថា លោកមិនមែនងាយស្រួលឡើងមុននឹងមានសាច់ដុំធំដូចរាល់ថ្ងៃនេះ ពោលគឺលោកំណាយពេលហាត់ប្រាណយ៉ាងលំបាក ។
ជាមួយគ្នានេះ តារាចម្រៀងគ្រាប់ពេជ្រក្នុងផលិតកម្មរស្មីហង្សមាសខាងលើ បានសរសេរនៅលើគណនីហ្វេសប៊ុករបស់លោកថា «មានសុខភាពមានអ្វីៗទាំងអស់ ភាពជោគជយ័មិនមែនបានមកដោយងាយៗនោះទេ ពាក្យស្លោក «ចូលកុំព្យាយាមដុតផ្ទះរបស់អ្នកដ៏ទៃដើម្បីគ្រាន់តែចង់បានរងើគភ្លើងមកអាំងពងមាន់ដ៏តូចរបស់យើងអី» ៕ សាវុធ