និស្សិតឆ្នាំបញ្ចប់នៃសកលវិទ្យាល័យ Cornell បានស្រាតខោអាវចោលក្នុងពេលឡើងការពារនិក្ខេបបទក្នុងពេលបញ្ចប់ការសិក្សា ។
Letitia Chai បានសម្រេចចិត្តដោះខោអាវខាងក្រៅចោល ដោយស្លៀកតែគ្រឿងក្នុង ក្នុងពិធីការពារនិក្ខេបបទបញ្ចប់ការសិក្សានៅចំពោះមុខសាស្ត្រាចារ្យ និងនិស្សិតជាច្រើននាក់ កាលពីថ្ងៃទី ៥ ខែឧសភា នៅសកលវិទ្យាល័យ Cornell នៅបុរីញូយ៉ក អាមេរិក។
ទង្វើដ៏ចម្លែកធ្វើឡើងប្រឆាំងការរិះគន់របស់សាស្ត្រាចារ្យ Rebekah Maggor ដោយថា នាងស្លៀកខោខ្លីពេក កាលពីពេលការពារនិក្ខេបបទសាកល្បងកាលពីថ្ងៃទី ២ ខែឧសភា ។ Letitia បានសរសេរលើគេហទំព័រហ្វេសបុកថា នាងបានពាក់អាវដៃវែងពណ៌បៃតង និងខោខ្លី ពេលនោះសាស្ត្រាចារ្យ Maggor បានសម្តែងការមិនពេញចិត្តចំពោះការស្លៀកពាក់របស់នាង ។
រឿងដំបូងដែលសាស្ត្រាចារ្យនេះ បង្កជាមួយខ្ញុំគឺនិយាយថា ៖ “នេះពិតជាអ្វីដែលប្អូននឹងស្លៀក ? ខោរបស់ប្អូនពិតជាខ្លីណាស់” ។ Letitia ពោលបន្តថា សាស្ត្រាចារ្យរូបនេះ ចង់និយាយថា ខ្ញុំបានធ្វើឲ្យនិស្សិតប្រុសៗ បែងចែកអារម្មណ៍ ព្រោះប្រមូលផ្តុំសំឡឹងមកមើលរាងកាយខ្ញុំ។
Letitia ស្រាតខោ និងដោះអាវចេញ ហើយធ្វើការឧទ្ទេសនាមនិក្ខេបបទសំដៅប្រឆាំងនឹងឥរិយាបថតានតឹងហួសហេតុរបស់សាស្ត្រាចារ្យ Maggor ។
Letitia ឲ្យដឹងបន្ថែមថា និស្សិតអន្តរជាតិប្រុសម្នាក់ ក្នុងថ្នាក់បានហៃអើ តាមទស្សនៈរបស់សាស្ត្រាចារ្យខាងលើ ពេលនោះនាងសម្រេចចិត្តដើរចេញពីបន្ទប់ ។ សាស្ត្រាចារ្យ Maggor ក៏បានដើរចេញមករួចបន្តសួរនាងថា ៖ តើម្តាយនាងគិតយ៉ាងណាដែរអំពីការស្លៀកពាក់របស់កូនស្រីខ្លួន? នាងក៏ឆ្លើយភ្លាមថា ៖ “ម្តាយរបស់ខ្ញុំជាសាស្ត្រាចារ្យម្នាក់ជំនាញស្រាវជ្រាវអំពីយេនឌ័រ និងវិទ្យាសាស្ត្រផ្លូវភេទ”។ គាត់មានអារម្មណ៍ធម្មតាចំពោះខោខ្លីរបស់ខ្ញុំ ។
ទោះយ៉ាងណាមានមនុស្សជាច្រើនមិនគាំទ្រនឹងរបៀបដោះសម្លៀកបំពាក់ចេញ ជាការប្រឆាំងរបស់ Letitia ។
ចុះប្រិយមិត្តវិញយល់យ៉ាងណាដែរ ?
