ពលរដ្ឋអាមេរិក ៣រូប ដែលត្រូវកូរ៉េខាងជើងចាប់ដាក់គុក ត្រូវបានប្តីប្រពន្ធប្រធានាធិបតីដូណាល់ ត្រាំ ចេញទៅទទួលដោយផ្ទាល់ គ្រាដែលពួកគេវិលត្រឡប់មកដល់មូលដ្ឋានទ័ពអាកាសមួយក្បែរក្រុងវ៉ាស៊ីនតោន កាលពីព្រឹកមិញ ។
ថ្វីត្បិតយន្តហោះបានចុះសំចតពេលកណ្តាលយប់ក្តីក៏ជំទាវទី១ Melania Trump រួមជាមួយអនុប្រធានាធិបតី និង មន្ត្រីជាន់ខ្ពស់មួយចំនួនទៀត បានអមដំណើរប្រធានាធិបតីត្រាំ ចេញទៅទទួលពួកគេ ។ អ្នកទាំងបីរួមមាន ៖ Kim Dong Chul, Kim Hak Song , Tony Kim ។
យន្តហោះដឹកជញ្ជូនពលរដ្ឋអាមេរិក ៣នាក់ ចុះចតកណ្តាលរាត្រី នៅក្បែរក្រុងវ៉ាស៊ីនតោន ។
ប្រធានាធិបតី និងជំទាវទី១ អាមេរិក បានដើរឡើងយន្តហោះសុខាភិបាលដើម្បីជួបបុគ្គលពិសេស ៣នាក់ ។ ក្រោយមកអ្នកទាំងអស់បានឡើងលើដំបូលយន្តហោះ ហើយទះដៃ លោកត្រាំស្រែកខ្លាំងៗថា ៖ នេះជារាត្រីពិសេស សម្រាប់មនុស្សដ៏មហិមា ៣រូប យ៉ាងពិតប្រាកដ ។ ថ្លែងពីចំណងទាក់ទងរវាងក្រុងវ៉ាស៊ីនតោន និងព្យុងយ៉ាង លោកត្រាំឆ្លើយខ្លីថា ៖ យើងខ្ញុំទើបចាប់ផ្តើមកន្លែងឈរថ្មីមួយ។
ថ្លែងអំណរគុណចំពោះប្រធានកូរ៉េខាងជើងដែលផ្តល់សេរីភាពដល់ពលរដ្ឋអាមេរិក ៣នាក់ នោះលោកត្រាំនិយាយថា លោកជឿថាគីម ជុងអ៊ុន ពិតជាចង់ទទួលបានកិច្ចព្រមព្រៀងអំពីការគ្មានអាវុធនុយក្លេអ៊ែរនៅឧបទ្វីបកូរ៉េ ។ លោកសង្កត់ធ្ងន់ ៖ ខ្ញុំពិតជាគិតថា គាត់កំពុងចង់ធ្វើរឿងអ្វីនោះ ។
បន្ទាប់មកអតីតអ្នកទោស ៣រូប បានឡើងរថយន្តដឹកទៅកាន់មជ្ឈមណ្ឌលវេជ្ជសាស្ត្រ Walter Reed ។ ក្រុមគ្រួសាររបស់អ្នកទាំង៣ ពុំមានវត្តមានក្នុងពិធីទទួលស្វាគមន៍ទេ ។
ពីឆ្វេងមកស្តាំ Kim Hak-song, Kim Dong-chul, Tony Kim ប្រមុខការទូតអាមេរិក Mike Pompeo ត្រូវបានក្រុងព្យុងយ៉ាងដោះលែងបន្ទាប់ពីលោកជួបជាមួយលោកគីម ជុងអ៊ុន ដើម្បីពិភាក្សាផែនការសម្រាប់ផែនការសន្និសីទកំពូលអាមេរិកកូរ៉េខាងជើង ៕ សូយន
