នៅថ្ងៃទី ១០ ខែឧសភា ប្រធានាធិបតីអាមេរិកដូណាល់ ត្រាំ ប្រកាសថាលោកនឹងជួបជាមួយមេដឹកនាំកូរ៉េខាងជើងគីម នៅសិង្ហបុរីថ្ងៃទី ១២ខាងមុខ។
ក្នុងសេចក្តីប្រកាសលើបណ្តាញសង្គម Twitter ប្រធានាធិបតីត្រាំ សង្កត់ធ្ងន់ថា ៖ “យើងខ្ញុំទាំងពីរនឹងប្រឹងប្រែងប្រែក្លាយជំនួបនេះឲ្យទៅជាខណៈវេលាដ៏ពិសេស សម្រាប់សន្តិភាពពិភពលោក” ។
មុននោះមួយថ្ងៃ ស្ថានីយ៍ទុរសទស្សន៍ CNN ក៏បានចុះផ្សាយព័ត៌មានពីការដែលមន្ត្រីអាមេរិកកំពុងអនុវត្តការងារត្រៀមបម្រុងសម្រាប់ជំនួបកំពូលរវាងប្រធានាធិបតីដូណាល់ ត្រាំ និងមេដឹកនាំកូរ៉េខាងជើង គីម ជុងអ៊ុន ប្រព្រឹត្តទៅនៅសិង្ហបុរី ។
CNN ក៏បានដកស្រង់សម្តីរបស់មន្ត្រីច្បាស់ការណ៍ពីររូប បង្ហើបប្រាប់ថា ប្រធានាធិបតីត្រាំ បានបញ្ជាដល់ជំនួយការរបស់ខ្លួនឲ្យត្រៀមបម្រុងសម្រាប់ជំនួបនៅសិង្ហបុរី ។
មុននោះថ្លែងទៅកាន់អ្នកសារព័ត៌មានបានទាត់ចោលលទ្ធភាពនៃការរៀបចំជំនួបកំពូលនៅភូមិផ្អាកសង្គ្រាម Panmunjom នាតំបន់គ្មានយោធាចន្លោះព្រំដែនកូរ៉េទាំងពីរ (DMZ) ។ ប៉ុន្តែលោកត្រាំ ពុំបានលើកឡើងពីមូលហេតុអ្វីឡើយ ៕ សូយន