ភ្នំពេញ ៖ សន្និបាទAEMS នឹងប្រារព្វធ្វើឡើងនៅទីក្រុងនីលប្រទេសបារាំង នាថ្ងៃទី៥-៦ខែវិច្ចិកា២០១៨ខាងមុខនេះដោយផ្តោតសំខាន់ពាក់ព័ន្ធនិងលើវិស័យកីឡា ខណៈដែលទីក្រុងភ្នំពេញ ជាសមាជិកAEMSនេះផង ហើយអភិបាលរាជធានីភ្នំពេញ ក៏ជាសមាជិកអចិន្ត្រៃ AEMS ដែលមានឥទ្ធិពលនៅក្នុងតំបន់ផងដែរនោះ។
ការបង្ហាញនេះបានធ្វើឡើងកាលពីរសៀលថ្ងៃទី១០ខែឧសភា ខណៈលោកអភិបាលរាជធានីភ្នំពេញ ទទួលជួបពិភាក្សាការងារ ជាមួយ លោក Pierre Baillet លេខាអចិន្ត្រៃសមាគមន៍និយាយភាសាបារាំង នៅសាលារាជធានីភ្នំពេញ។ ក្នុងជំនួបពិភាក្សានោះ ក្នុងគោលបំណង ផ្សព្វផ្សាយ ពីការរៀបចំសន្និបាទ AEMS ដែលប្រារពធ្វើនៅ ទីក្រុងនីលប្រទេសបារាំង នាថ្ងៃទី៥-៦ខែវិច្ចិកាឆ្នាំ២០១៨ខាងមុខនេះ ដោយផ្តោតសំខាន់ពាក់ព័ន្ធនិងលើវិស័យកីឡា ។
លោក ឃួង ស្រេង បានមានប្រសាសន៍ថា ដើមឡើយកាលឆ្នាំ១៩៧៩ ដែលប្រទេសបានរំដោះចេញផុតពីរបបពលពត ប្រជាពលរដ្ឋកម្ពុជា គ្មានអ្នកចាប់អារម្មណ៍រឿងកីឡាទេ ពួកគេម្នាក់ៗគិតតែ ធ្វើយ៉ាងណារកចំអែតក្រពះតែប៉ុណ្ណោះ ។ ប៉ុន្តែក្រោមការដឹកនាំ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា បានធ្វើឲ្យប្រទេសជាតិរីកចម្រើនលើគ្រប់វិស័យ រហូតមកដល់បច្ចុបុ្បន្ន គឺរស់ក្រោមដំបូលនៃសន្តិភាព ដែលធ្វើអោយប្រជាពលរដ្ឋចាប់អារម្មណ៍យ៉ាងខ្លាំងលើវិស័យកីឡា ដើម្បីសុខភាព ។
លោក អភិបាល បានគូសបញ្ជាក់ថា ដោយឡែកនៅរាជធានីភ្នំពេញ ក៏មានការរៀបចំ ឲ្យមានក្រុមកីឡា នៅតាមសាលារៀន នៅតាមក្រុមហ៊ុនឯកជននានា ក៏ដូចជានៅតាមទីតាំងហាត់កីឡានានា ដោយរដ្ឋបាលរាជធានីបានដាក់ជាឧបករណ៍ហាត់ប្រាណសាធារណៈជាច្រើន នៅតាមសួនច្បារក្នុងរាជធានីភ្នំពេញ ។ជាងនេះទៅទៀតជារៀងរាល់ព្រឹកព្រឹលឹម ប្រជាពលរដ្ឋ ក្នុងរាជធានីភ្នំពេញ បាននាំគ្នាចេញទៅហាត់ប្រាណនៅតាមទីសាធារណនានា ដើម្បីសុខភាព ។
ជាមួយគ្នានេះដែរ យើងក៏បាន យកចិត្តទុកដាក់ ទៅលើការហ្វឹកហាត់កីឡាជំនាញនិង អាជីព ស្របពេលដែលប្រទេសកម្ពុជា និងធ្វើជាម្ចាស់ផ្ទះកីឡាស៊ីហ្គេមលើកទី៣២នៅឆ្នាំ២០២៣ ។
ក្នុងឱកាសនោះដែរ លោកអភិបាលក៏បានសំណូមពរ ដល់ស្ថាប័ន AEMS ជួយផ្តល់ផ្នែកបច្ចេកទេសលើវិស័យកីឡាដល់កម្ពុជា ។ លោកអភិបាលរាជធានីភ្នំពេញ ក៏បានថ្លែងអំណរគុណដល់ស្ថាប័ន AEMS ដែលបានជ្រើសរើសរាជធានីភ្នំពេញជាបេក្ខភាពមួយក្នុងចំណោមទីក្រុងចំនួន៣ គឺ នៅប្រទេសរ៉ូវ៉ាន់ដា និង ទុយណេស៊ី ដែលជាអតីតទីក្រុងបានរងគ្រោះ ដោយការសម្លាប់ រង្គៀល ជាតិសាស្ត្រដូចគ្នា ។
លោក pierre Baillet មានប្រសាសន៍ថា ទីក្រុងភ្នំពេញ គឺជាសមាជិក AEMS ផង ហើយលោកអភិបាល ក៏ជាសមាជិកអចិន្ត្រៃ AEMS ដែលមានឥទ្ធិពលនៅក្នុងតំបន់ផងដែរ។ ពេលនេះកិច្ចសហប្រតបត្តិការ រវាង AEMS និង រាជធានីភ្នំពេញ កាន់តែចែងចាំងក្នុងតំបន់កីឡាគឺជាការតភ្ជាប់មិត្តភាព និងកិច្ចសហប្រតិបត្តិការ រវាងទីក្រុងនិងទីក្រុង ហើយ AEMS និងរៀបចំ កម្មវិធីដំណើរទស្សន រវាងទីក្រុងគំរូទាំង៣ ដោយឈានពីលក្ខណៈបច្ចេកទេស ទៅជាលក្ខណៈនយោបាយ ។ លោកបានបន្តថា យើងគូរួមគ្នា ផ្តល់នូវអ្វីៗដែលល្អ សម្រាប់ទីក្រុង និង AEMS ៕ ដោយ៖បញ្ញាស័ក្តិ